|
Número 03 Abril 2025 |
Convocatorias Horizonte Europa para seguridade civil
O 15 de maio, no Edificio de Sesións da Autoridade Portuaria de Vigo, a Axencia Galega de Innovación organiza unha xornada de presentación das convocatorias en materia de seguridade encadradas no Cluster 3 do Programa Horizonte Europa (HE).
Estas convocatorias financiarán unha ampla variedade de actividades, que inclúen o desenvolvemento de solucións tecnolóxicas (xestión e tratamento de datos, ciberseguridade, robótica, infraestruturas dixitais, IoT, etc), loxísticas, enerxéticas (mobilidade, eficiencia) ou baseadas en drons, así como a posta en marcha de novas prácticas de comunicación, o deseño de materiais e infraestruturas (industriais e urbanas) ou o tratamento de residuos especiais. A aplicación destes desenvolvementos debe centrarse na seguridade civil, a resposta a desastres naturais, a mellora da convivencia social ou a loita contra o terrorismo e outras ameazas.
A xornada terá lugar en formato unicamente presencial e contará coa participación de Marina Martínez García, Punto Nacional de Contacto do CDTI para o Cluster 3 de HE. Durante a sesión tamén se presentarán casos de éxito de exemplos de proxectos galegos que xa foron financiados en convocatorias anteriores do Cluster 3.
Ler máisConvocatorias
-
Convocatoria para a contribución de conxuntos de datos á Cultural Heritage Cloud
Esta convocatoria convida ás entidades do sector do patrimonio cultural a achegar conxuntos de datos para a Cultural Heritage Cloud. As propostas deben definir a comunidade de usuarios destinataria, o propósito dos datos (investigación, educación, exposicións virtuais), os resultados esperados e os beneficios xerais. Tamén se require un escenario de uso na nube, incluíndo os pasos necesarios para a análise e procesamento dos datos. Seleccionaranse ata 12 proxectos, cada un con ata 60.000€ de financiamento. Poden participar institucións culturais de países de Horizonte Europa, especialmente entidades pequenas ou con menos recursos. O prazo para enviar propostas remata o 15 de maio de 2025.
Máis información -
CIRCULOOS lanza a súa segunda convocatoria para cadeas de subministración circulares: prazo ata o 28 de maio
O proxecto europeo CIRCULOOS abriu a súa segunda convocatoria (Open Call 2) para fomentar a creación de novas cadeas de subministración circulares en sectores como o metal, construción, moble, maquinaria ou plásticos. Dirixida a consorcios de 2 a 4 entidades —incluíndo pemes, centros de investigación ou grandes empresas—, ofrece ata 240.000 € por proxecto (máximo 60.000 € por socio) para desenvolver e implementar solucións innovadoras de economía circular. O prazo de presentación remata o 28 de maio de 2025
Máis información -
Aberta a segunda convocatoria aberta do proxecto SPADE
O proxecto europeo SPADE (Smart Packaging for Agrifood, Digital and Ecological transition) vén de abrir a súa segunda convocatoria, cun orzamento total de 525.000 €, dirixida a universidades, centros de investigación, pemes, fundacións e ONG dos países da UE e asociados a Horizonte Europa. Esta iniciativa busca apoiar solucións innovadoras baseadas en drons, intelixencia artificial e agricultura de precisión. Seleccionaranse nove proxectos: oito recibirán 60.000€ e un, 45.000€, cunha duración de seis meses. As propostas poden abordar retos reais nos sectores agrícola (caso de estudo en España), forestal (Noruega) e gandeiro (Grecia), así como cuestións transversais. O prazo para inscribirse e presentar propostas remata o 26 de maio de 2025
Máis información -
Aberta a convocatoria ERMA Booster para impulsar a resiliencia europea en materias primas
EIT RawMaterials lanza a ERMA Booster Call, unha nova oportunidade de financiamento para start-ups, scale-ups, pemes e proxectos de minería ou reciclaxe que contribúan á cadea de valor das materias primas na UE. Con investimentos de ata 2,5 millóns de euros por proxecto, esta convocatoria busca fortalecer a competitividade industrial europea e asegurar o subministro sostible de materias primas críticas e estratéxicas. Os proxectos elixibles deberán demostrar viabilidade técnica, impacto ambiental ou económico, e potencial de crecemento. A convocatoria está aberta a empresas innovadoras nos ámbitos da extracción, procesado, reciclaxe ou desenvolvemento de materiais avanzados ata o 26 de maio
Máis información -
Convocatoria aberta de SOPRANO para demostradores industriais de colaboración multi-humana e multi-robot
O proxecto europeo SOPRANO abre unha convocatoria dirixida a start-ups e pemes do sector da robótica para desenvolver prototipos industriais que integren tecnoloxías de colaboración multi-humana e multi-robot (MH-MR) en contornas como a fabricación, a construción ou o agroalimentario. Os proxectos deberán empregar tecnoloxías SOPRANO, incluíndo ROS2, e enfocarse en áreas como percepción robótica, intelixencia artificial, xemelgos dixitais ou automatización industrial. Cun orzamento máximo de 200.000 €, a convocatoria cobre ata o 100% dos custos en start-ups e o 70% nas pemes. O prazo de presentación remata o 14 de maio de 2025, cunha duración prevista de 16 meses por proxecto.
Máis información
Eventos
-
AUTOPROMOTEC Matchmaking Event 2025
Data: Do 21/05/2025 ata 24/05/2025
Unioncamere Emilia-Romagna, en colaboración coa Enterprise Europe Network, organiza un evento de encontros empresariais no marco de AUTOPROMOTEC 2025 – Feira Internacional de Equipamento Automobilístico e Produtos do Mercado de Posvenda.
Ver detalles -
Horizon Europe info days - Cluster 2
Data: 15/05/2025
O día 15 de maio presentarase o programa de traballo 2025 do Clúster 2 de Horizonte Europa, centrado en cultura, creatividade e sociedades inclusivas. O seu obxectivo é promover a democracia, a protección do patrimonio e as transformacións sociais a través da investigación en ciencias sociais e humanas. Os proxectos abordarán a transición verde e dixital, así como o fortalecemento da resiliencia europea cun enfoque de xénero. O evento desenvolverase en liña.
Ver detalles -
Brokerage para as Convocatorias 2025 do Clúster 6 de Horizonte Europa
Data: 27/05/2025
CARE4BIO, organizado polos Puntos Nacionais de Contacto do Clúster 6, celebrarase o 27 de maio de 2025 en Varsovia para axudar ás entidades interesadas a atopar socios e construír consorcios para as próximas convocatorias do Clúster 6 de Horizonte Europa. O evento incluirá reunións bilaterais prearranxadas a través dunha plataforma de matchmaking, así como presentacións rápidas de ideas de proxectos. Os participantes poderán conectarse con representantes doutros clústeres, a Enterprise Europe Network (EEN) e os NCPs (National Contact Points) de CARE4BIO. O foco temático abarca áreas como biodiversidade, economía circular, bioeconomía, sistemas alimentarios sostibles, gobernanza innovadora e solucións dixitais para o Pacto Verde. As inscricións abrirán o 17 de marzo de 2025.
Ver detalles -
Oportunidade de Networking no Health Revolution Congress Open Innovation Challenge 2025
Data: Do 14/05/2025 ata 28/04/2025
O Health Revolution Congress Open Innovation Challenge 2025 ofrece unha oportunidade única para conectar coas mentes máis brillantes do sector da saúde dixital. O 14 de maio, en Barcelona, celebraranse unha serie de encontros individuais exclusivos entre empresas e entidades públicas e provedores de tecnoloxías, no marco do evento. Durante a xornada, os participantes poderán presentar as súas innovacións e establecer alianzas que impulsen a mellora da saúde a través de solucións dixitais. Ademais, as reunións presenciais terán lugar na Sala Hipòstila do Recinte Modernista de Sant Pau, e tamén se organizarán encontros virtuais entre o 20 e o 28 de maio.
Ver detalles -
Oportunidade de Reunións B2B Virtuais en Ciberseguridade: Saúde Dixital e Solucións Innovadoras
Data: Do 19/05/2025 ata 21/05/2025
O evento Virtual Cybersecurity B2B Meetings terá lugar entre o 19 e o 21 de maio, organizado pola Enterprise Europe Network en colaboración con EDIH GreenPowerIT e Campus Cyber. Dirixido a empresas, organizacións institucionais e centros de investigación, o evento ofrece reunións virtuais para explorar solucións innovadoras en ciberseguridade, incluíndo temas como a seguridade na nube, o IoT industrial e a protección contra ciberdelitos. A asistencia é gratuita, con rexistro aberto.
Ver detalles -
FEINDEF 2025: Oportunidade de Colaboración en Ciberseguridade e Defensa
Data: Do 12/05/2025 ata 14/05/2025
FEINDEF 2025 organizará un evento de reunións B2B do 12 ao 14 de maio en Madrid, con opción de participación remota, para fomentar a cooperación tecnolóxica en seguridade e defensa. Este evento hibrido, centrado en Horizon Europe Cluster 3 "Seguridade Civil para a Sociedade", reunirá a empresas, investigadores e autoridades para formar consorcios e discutir proxectos.
Ver detalles -
Oportunidades de financiamento no Cluster 6 de Horizonte Europa
Data: Do 20/05/2025 ata 21/04/2025
Os días 20 e 21 de maio de 2025 terán lugar as Info Days do Cluster 6 de Horizonte Europa, onde poderás descubrir oportunidades de financiamento nos ámbitos da alimentación, bioeconomía, recursos naturais, agricultura e medio ambiente
Ver detalles -
Innoglobal FEDER - Convocatorias de apoio á I+D+i e á cooperación internacional
Data: 20/05/2025
A Axencia Galega de Innovación, en colaboración co Centro para el Desarrollo Tecnológico y la Innovación (CDTI) e a Rede Enterprise Europe Network (EEN), organizan o vindeiro 20 de maio, unha xornada informativa para presentar en Galicia a convocatoria FEDER Innoglobal 2025. Esta convocatoria ten como obxectivo fomentar a colaboración tecnolóxica internacional no ámbito da investigación e o desenvolvemento (I+D). Busca apoiar ás empresas no seu esforzo por realizar I+D e competir a nivel global.
Na xornada presentaranse, en primeiro lugar, os programas que xestiona CDTI para a cooperación tecnolóxica internacional, pasando posteriormente a presentar a convocatoria de subvencións FEDER Innoglobal 2025. A continuación, empresas galegas beneficiarios destes programas presentarán a súa experiencia de financiamento en convocatorias previas. Finalmente, presentaranse os servizos de apoio da rede Enterprise Europe Network no marco dos proxectos de cooperación tecnolóxica internacional.
A xornada está dirixida a todos os axentes do ecosistema, especialmente ás empresas.
Ver detalles
Novas
-
O prazo para a convocatoria de proxectos de transición verde ampliado ata o 15 de maio de 2025
O prazo para presentar proxectos á convocatoria de transición verde de Interreg foi ampliado ata o 15 de maio de 2025 ás 13:00 (CET), segundo a decisión do Comité de Seguimento. Esta prórroga ofrece aos interesados unha oportunidade para mellorar as súas propostas e garantir respostas innovadoras e impactantes aos desafíos climáticos e ambientais da rexión mediterránea.
Ler máis -
Convocatorias LIFE 2025: publicación prevista o 24 de abril e sesións informativas da UE do 13 ao 15 de maio
As novas convocatorias do programa LIFE 2025, centradas na economía circular, biodiversidade, cambio climático e transición enerxética, publicaranse a finales de abril no portal Funding & Tender Opportunities. Para resolver dúbidas e presentar as novidades, a Axencia Executiva Europea do Clima, Infraestruturas e Medio Ambiente (CINEA) organizará unhas xornadas informativas virtuais do 13 ao 15 de maio. Os prazos de presentación de propostas varían segundo a tipoloxía de proxecto, sendo a maioría ata o 23 de setembro de 2025
Ler máis
Búsqueda de Socios
-
Empresa biotecnolóxica de Londres busca colaboracións para acceder a bases de datos sobre microbioma intestinal
GutSee Health, unha empresa biotecnolóxica con sede en Londres, está a revolucionar o tratamento dos trastornos dixestivos mediante a combinación de modelos avanzados de intelixencia artificial e terapias innovadoras baseadas no microbioma. Para fortalecer a súa plataforma de descubrimento con IA, busca colaboracións con investigadores e entidades que dispoñan de bases de datos sobre síndrome do intestino irritable (IBS) e enfermidade inflamatoria intestinal (IBD). A empresa está aberta a diversas formas de cooperación, como estudos clínicos, proxectos de I+D conxuntos, publicacións científicas, intercambios académicos e programas de doutoramento.
Contactar -
Empresa italiana busca fabricantes de micrófonos compatibles con Audio over Ethernet (AoE) para nova aplicación baseada en I+D
Unha empresa italiana con ampla experiencia en enxeñaría de son e intelixencia artificial aplicada está a desenvolver un novo sistema para a monitorización intelixente en contornas acústicas complexas. Para iso, busca fabricantes ou provedores de solucións que poidan subministrar micrófonos ou arrays de micrófonos compatibles con Audio over Ethernet (AoE). A compañía está interesada en explorar diferentes configuracións técnicas mediante acordos de cooperación técnica ou comerciais, co obxectivo de integrar estas solucións na fase de prototipado e proba, con vistas a unha futura industrialización.
Contactar -
Instituto francés busca socios galegos para proxecto de hidróxeno verde e enerxía eólica mariña
Un instituto francés de investigación en enerxía eólica mariña e hidróxeno verde busca socios galegos para un consorcio que se presentará á convocatoria HORIZON-JU-CLEANH2-2025-01-04. O seu obxectivo é desenvolver solucións innovadoras para a produción de hidróxeno renovable a partir de enerxía eólica offshore. O instituto conta con experiencia en tecnoloxías de electrólise, integración co mercado enerxético e avaliación de impacto ambiental. Busca colaboración con empresas e entidades galegas interesadas en participar no desenvolvemento e validación destas solucións.
Contactar -
Empresa turca busca socios en España para proxecto de turismo intelixente en convocatoria EUREKA
Unha empresa turca de turismo busca socios en España para un proxecto dentro da convocatoria bilateral EUREKA Türkiye - España. O obxectivo é desenvolver solucións de turismo intelixente utilizando Intelixencia Artificial Explicable (XAI) e blockchain para mellorar a xestión de destinos turísticos, optimizar o tráfico, xestionar recursos de forma sostible e mellorar a experiencia dos visitantes. Procúrase a colaboración con empresas españolas con experiencia en XAI, turismo dixital ou procesamento de imaxes, que poidan servir como banco de probas para estas tecnoloxías.
Contactar
Quedamos á vosa disposición para calquera dúbida sobre esta información, así como sobre os diferentes aspectos relacionados cos Programas Internacionais de I+D+i, no enderezo electrónico galactea.gain@xunta.gal e no teléfono 981 957 000.
Pode acceder a todos os Boletíns EEN difundidos a través desta ligazón.
Se non desexa recibir este boletín pode vostede darse de baixa enviando un mail a informa.gain@xunta.es
dende a conta na que desexe anular a suscripción.