|
Número 04 Maio 2025 |
Dúas xornadas sobre as novas convocatorias de Horizonte Europa: Clusters 4, 5, 6, CBE, PRIMA e EU Missions
A Axencia Galega de Innovación organiza dúas novas xornadas informativas no marco do Ciclo Europa para dar a coñecer as convocatorias de Horizonte Europa en 2025. A primeira terá lugar o 11 de xuño, centrada no Cluster 4 (Dixitalización e Industria), e abordará as oportunidades de financiamento para proxectos de transformación dixital, fabricación avanzada e intelixencia artificial. A segunda será o 16 de xuño, dedicada aos Clusters 5 (Clima) e 6 (Alimentación, bioeconomía, recursos naturais, agricultura e medioambiente), así como ás convocatorias de CBE JU 2025, PRIMA e EU Missions. Ambas xornadas celebraranse na sede da Axencia Galega de Innovación.
Ler máisConvocatorias
-
A Unión Europea busca proxectos innovadores para probar ferramentas contra emerxencias climáticas e químicas transfronteirizas
O próximo 12 de xuño a Unión Europea lanzará unha convocatoria aberta para validar e probar tecnoloxías, ferramentas e datos que melloren a resposta ante emerxencias transfronteirizas, como fenómenos climáticos extremos (inundacións, incendios), desastres xeolóxicos (terremotos) ou ameazas químicas, biolóxicas e radiolóxicas (CBRN). O obxectivo é fomentar a cooperación entre países e garantir sistemas interoperables que permitan unha actuación rápida e coordinada entre os equipos de emerxencia. Pódense presentar propostas de empresas, centros de investigación e administracións públicas, con financiamento de Horizonte Europa.
Máis información -
Financiamento para proxectos innovadores en desminado humanitario
A convocatoria HORIZON-CL3-2025-01 de Horizonte Europa, aberta dende o 12 de xuño de 2025, busca proxectos que desenvolvan solucións innovadoras para o desminado humanitario e a xestión de artefactos explosivos sen detonar (UXO) en zonas civís. Os proxectos deben presentarse antes do 12 de novembro de 2025 e deben centrarse en mellorar ferramentas, formacións e educación sobre riscos, especialmente en rexións afectadas como Ucraína. A convocatoria inclúe financiamento para accións de innovación (HORIZON-IA) con enfoque tanto tecnolóxico como social.
Máis información -
Abre a convocatoria FAST TRACK 2025 que ofrece ata 500.000€ para acelerar proxectos de materias primas
A convocatoria FAST TRACK 2025 de EIT RawMaterials ofrece financiamento adicional (ata 500.000€ por proxecto) para impulsar a comercialización de iniciativas xa apoiadas polo EIT en 2025. Está dirixida a proxectos e startups dos programas Booster, Upscaling, Education ou RIS que necesiten un último empurrón para chegar ao mercado
- Prazo de solicitude: 10 de xullo de 2025 (ás 13:00 CET).
- Data de corte para avaliación: 9 de xuño (primeira rolda) e 11 de xullo (segunda rolda).
- Comunicación de resultados: 4 semanas despois de cada corte.
- Inicio dos proxectos: A partir do 9 de xullo ou 10 de agosto de 2025.
Fin das actividades: 31 de decembro de 2025.
Requisitos:
Ser beneficiario previo de EIT RawMaterials en 2025.
Ter un proxecto en fase avanzada (ex.: estratexia de comercialización, lanzamento de produto).
Máis información -
A convocatoria aberta CIRCULOOS 3.1 apoia proxectos de economía circular no sector manufactureiro
A convocatoria CIRCULOOS Open Call 3.1 (OC3.1) está dirixida a entidades individuais (pemes, medianas empresas ou microempresas) que queiran integrar estratexias circulares en pilotaxes xa existentes de cadeas de valor nos sectores da madeira, plástico, coiro, metal ou electrónica. O obxectivo é mellorar a recuperación de recursos, procesos de reciclaxe e ferramentas dixitais para unha fabricación máis sustentable. A convocatoria estará aberta ata o 11 de xuño
Máis información -
2ª Convocatoria aberta ENFIELD para proxectos de I+D en enerxía, saúde e intelixencia artificial
A convocatoria 2nd INNOVATION SCHEME OPEN CALL do proxecto ENFIELD ofrece 1,1 millóns de euros para financiar polo menos 18 proxectos a pequena escala que respondan a retos técnicos nos sectores de: enerxía, saúde, manufactura, aerospacial.
Características principais:
- Dirixido a: empresas e centros de I+D con experiencia en intelixencia artificial (IA) e tecnoloxías avanzadas.
- Obxectivo: fomentar a investigación aplicada e crear unha rede europea de colaboración en IA.
- Financiamento: axuda económica para actividades de I+D (importe exacto por proxecto non especificado, pero o total é de 1,1M€ para 18+ iniciativas).
Convocatoria aberta ata o 17 de xuño de 2025
Máis información
Eventos
-
SEANERGY 2025: Brokerage para Enerxía Eólica Mariña e Enerxías Renovables Mariñas
Data: Do 17/06/2025 ata 18/06/2025
SEANERGY 2025 é un evento internacional de referencia dedicado á enerxía eólica mariña e ás enerxías renovables mariñas (MRE). O seu obxectivo é impulsar o crecemento das enerxías renovables no mar, unindo a diferentes actores industriais, académicos, institucionais e políticos, promovendo as súas iniciativas a nivel global. O evento abrangue múltiples tecnoloxías, entre elas a enerxía eólica fixa e flotante, a enerxía de mareas e ondas, a enerxía térmica mariña, a enerxía solar flotante, a enerxía do gradiente de salinidade, o almacenamento de enerxía, as solucións dixitais, o transporte mariño descarbonizado, os drons e materiais ecolóxicos. SEANERGY atraerá arredor de 200 expositores e máis de 4000 participantes do sector MRE, entre os que se atopan operadores enerxéticos, expertos tecnolóxicos, ONGs, investigadores, investidores e subcontratistas.
Ver detalles -
Innovat&Match 2025: encontro internacional para colaborar en innovación e transferencia de tecnoloxía
Data: Do 24/06/2025 ata 26/06/2025
A edición número 19 do Innovat&Match, evento de encontros bilaterais organizado no marco da feira R2B - Research to Business, celebrarase en liña os días 24, 25 e 26 de xuño de 2025. Trátase dun espazo dirixido a empresas, startups, centros de investigación e universidades que buscan establecer colaboracións no ámbito da innovación e a transferencia de tecnoloxía. As reunións, de 30 minutos de duración, organízanse previamente a través dunha plataforma en liña. A participación é gratuíta e o prazo de inscrición remata o 23 de xuño ás 13:00. O evento céntrase en sete ámbitos principais: bioeconomía, patrimonio e construción, cidades e creatividade, tecnoloxías dixitais e profundas, enerxía e tecnoloxías limpas, saúde e biotecnoloxía e aeroespacial e mecánica.
Ver detalles -
International Drone Show 2025: encontros bilaterais para fomentar a colaboración no sector dos drons
Data: Do 18/06/2025 ata 19/06/2025
No marco do International Drone Show 2025, que se celebrará os días 18 e 19 de xuño no aeroporto HCA de Odense (Dinamarca), terá lugar un evento de encuentros bilaterais (B2B matchmaking) promovido pola Enterprise Europe Network. Este evento vai dirixido a profesionais, empresas, investigadores e usuarios finais do sector dos drons interesados en explorar novas oportunidades de colaboración empresarial e tecnolóxica. O matchmaking consistirá en reunións presenciais de 20 minutos previamente concertadas entre os participantes, cunha sesión o día 18 de xuño de 10:30 a 13:00 e outra o día 19 de xuño de 10:00 a 13:00. Para participar é preciso contar cunha entrada para o International Drone Show 2025, aínda que o acceso ao matchmaking é gratuíto para todas as persoas rexistradas. O evento representa unha oportunidade única para coñecer novas solucións tecnolóxicas, identificar socios para proxectos de I+D ou para negocios e descubrir aplicacións emerxentes no ámbito dos drons.
Ver detalles -
Free From Specialty Food & Wine 2025: encontros B2B para o sector alimentario especializado
Data: Do 17/06/2025 ata 18/06/2025
No marco da feira Free From Specialty Food & Wine 2025, que se celebrará en Viena (Austria), a Enterprise Europe Network organiza un evento de encontros bilaterais entre empresas compradoras e provedoras do sector alimentario. As reunións, previamente concertadas, terán lugar nun espazo dedicado e centraránse en produtos free from, vexetais, ecolóxicos, funcionais, gourmet, artesanais e viño. A actividade busca fomentar novas colaboracións comerciais e avanzar cara modelos de produción máis sostibles.
Ver detalles
Novas
-
O CESGA e a Universidade de Pensilvania alíanse para acelerar o descubrimento de novos fármacos contra bacterias resistentes aos antibióticos
O conselleiro de Educación, Ciencia, Universidades e Formación Profesional, Román Rodríguez, visitou co catedrático de Biotecnoloxía da Universidade de Pensilvania, o galego César de la Fuente, o Centro de Supercomputación de Galicia (Cesga) para firmar un convenio de colaboración entre a Xunta e esta institución académica estadounidense. Durante a visita, o investigador, pioneiro no emprego da intelixencia artificial para o desenvolvemento de antibióticos, puido coñecer as instalacións do centro co que colaborarán para acelerar o descubrimento de antibióticos fronte a bacterias resistentes.
Ler máis
Búsqueda de Socios
-
Empresa británica busca socios para desenvolver un sistema modular de propulsión por hidróxeno para mobilidade sustentable
Unha empresa de enxeñaría do Reino Unido, especializada en sistemas de hidróxeno, está formando un consorcio internacional para desenvolver unha plataforma modular de propulsión limpa destinada a aplicacións lixeiras nos sectores aeroespacial e automotriz. Busca socios tecnolóxicos en Galicia con experiencia en xestión térmica, electrónica de potencia, control embebido ou materiais compostos para integrar subsistemas clave. O proxecto, que aspira a financiamento europeo (Horizon Europe/Innovate UK), ofrece unha oportunidade única para participar no deseño dunha solución escalable e cero emisións, aliñada cos ODS.
Contactar -
Tecnoloxía de encapsulado avanzada para converter enerxía en contornas extremas: busca de socio para proxecto europeo
Unha empresa innovadora de Gales desenvolveu unha tecnoloxía patentada de encapsulado de chips embebidos que permite crear conversores de enerxía máis eficientes, compactos e resistentes a condicións ambientais adversas. No marco da convocatoria europea Vinnovate 2025, busca un socio industrial en Galicia especializado en equipos de conversión de enerxía (inversores, conversores DC/DC, cargadores...) que queira colaborar no deseño e testado de prototipos orientados a sectores como o eólico, solar, naval ou aeroespacial. A participación ofrece unha oportunidade para acceder a financiamento europeo, desenvolver tecnoloxía punteira e abrir novas vías comerciais nun mercado altamente esixente.
Contactar -
Empresa neerlandesa busca socios para desenvolver un método rápido e eficiente de avaliación do estado de saúde de baterías
Unha empresa dos Países Baixos especializada na reutilización de baterías procura un socio tecnolóxico para co-deseñar un método avanzado de diagnose que permita avaliar de forma rápida e fiable o estado de saúde (SOH) de baterías de alta e baixa tensión. O obxectivo é reducir a carga de traballo dos procesos actuais, mellorar a garantía e fiabilidade das baterías de segunda vida e contribuír á economía circular. A colaboración podería materializarse mediante proxectos de I+D conxunta, cooperación técnica ou acordos de desenvolvemento tecnolóxico.
Contactar -
Empresa pioneira en terapias mariñas busca socios para desenvolver un fármaco contra lesións cerebrais e valorizar subprodutos de algas
Unha compañía biotecnolóxica está a desenvolver unha nova terapia para tratar lesións cerebrais traumáticas a partir dunha molécula extraída de macroalgas mariñas, con propiedades inmunomoduladoras que promoven a recuperación neurolóxica. Ademais, a empresa aposta pola sustentabilidade ao investigar o aproveitamento dos subprodutos do proceso de extracción para aplicacións en cosmética e nutracéutica. Procúrase colaboración con expertos en química de polisacáridos, extracción a grao farmacéutico e sectores afíns, con posibilidades de cooperación en I+D, desenvolvemento conxunto ou consorcios público-privados.
Contactar
Quedamos á vosa disposición para calquera dúbida sobre esta información, así como sobre os diferentes aspectos relacionados cos Programas Internacionais de I+D+i, no enderezo electrónico galactea.gain@xunta.gal e no teléfono 981 957 000.
Pode acceder a todos os Boletíns EEN difundidos a través desta ligazón.
Se non desexa recibir este boletín pode vostede darse de baixa enviando un mail a informa.gain@xunta.es
dende a conta na que desexe anular a suscripción.