|
Número 06 Xullo 2025 |
A Xunta felicita ao centro de investigación CiMUS da USC tras recibir a distinción estatal María de Maeztu
A Xunta de Galicia felicita ao Centro Singular de Investigación en Medicina Molecular e Enfermidades Crónicas (CiMUS) da Universidade de Santiago de Compostela, que hoxe vén de recibir a distinción María de Maeztu en Zaragoza. O secretario xeral de Universidades, José Alberto Díez, asistiu ao acto de entrega desta prestixiosa acreditación a este centro pertencente a Rede CIGUS de excelencia universitaria de Galicia.
Ler máisConvocatorias
-
Nova convocatoria IHI Call 11: saúde cerebral, IA en farmacovixilancia, diabetes tipo 1 e máis
A Innovative Health Initiative (IHI) vén de lanzar a súa Convocatoria 11, unha chamada en dúas fases que aborda temáticas prioritarias como a medicina de precisión para a disfunción cerebral, a relación entre infeccións e enfermidades non transmisibles, a detección de sinais en farmacovixilancia mediante intelixencia artificial, terapias celulares para a diabetes tipo 1 e a creación de centros cirúrxicos ambulatorios en Europa. A convocatoria conta cun orzamento indicativo de 57,4 millóns de euros en financiamento público e 63,2 millóns en contribucións industriais. O prazo para presentar a proposta curta remata o 9 de outubro de 2025
Máis información
Eventos
-
Evento virtual Co-Matching 2025 para encontros empresariais bilaterais
Data: Do 28/08/2025 ata 28/08/2025
O Co-Matching 2025 é un evento de encontros empresariais bilaterais (B2B) que terá lugar en formato virtual o día 28 de agosto, organizado desde Izmit Kocaeli (Turquía). Está dirixido a empresas de distintos sectores interesadas en explorar posibles colaboracións internacionais.
Ver detalles -
Encontros empresariais no marco da feira internacional AGRA 2025 en Eslovenia
Data: Do 27/08/2025 ata 27/08/2025
O vindeiro 27 de agosto de 2025, no marco da 63ª Feira Internacional de Agricultura e Alimentación AGRA 2025, celebrarase en Gornja Radgona (Eslovenia) o evento de encontros empresariais Meet4Business AGRA 2025, organizado pola Axencia de Desenvolvemento Rexional Podravje - Maribor e a Enterprise Europe Network. O evento incluirá reunións bilaterais previamente acordadas de 30 minutos, centradas en temas como o turismo rural, produtos innovadores, servizos de marketing, investimentos e equipamentos relacionados. A participación é gratuíta, mais é preciso rexistrarse antes do 25 de agosto de 2025.
Ver detalles
Novas
-
A Xunta lanza o programa Activa I+G+i cun investimento de case 53 M€ para fomentar a transferencia
O presidente da Xunta, Alfonso Rueda, informou de que o Consello deu luz verde hoxe a destinar 53 millóns de euros á convocatoria das primeiras axudas orientadas a pemes enmarcadas no Plan galego de investigación e innovación 2025-2027 que buscan “impulsar a trasferencia de coñecemento” e potenciar unha I+D+i colaborativa. “É fundamental que os resultados da investigación se transformen nunha transferencia á vida económica que lles de utilidade e rentabilidade”, sinalou.
Ler máis
Busca de Socios
-
Empresa do Reino Unido busca socio tecnolóxico para pilotar a produción de baldosas cun novo material de construción carbono negativo
Unha peme británica desenvolveu un innovador material de construción carbono negativo a base de biochar e aglutinantes de orixe biolóxica, capaz de almacenar até -11 kg de CO₂ por m². A empresa busca un socio tecnolóxico para levar a cabo unha produción piloto de entre 1.000 e 10.000 unidades de baldosas ou plaquetas (brick slips), co obxectivo de validar a fabricación automatizada. O proceso de produción é similar ao dos ladrillos tradicionais, pero sen necesidade de cocción. A colaboración podería derivar en acordos de licenza, desenvolvemento conxunto ou produción a escala.
Contactar -
Procúrase fabricante de vehículos (OEM) para proxecto europeo sobre seguridade post-accidente en coches eléctricos
Un consorcio europeo liderado por un instituto de investigación austríaco busca un fabricante de vehículos (OEM) que queira participar nun proxecto financiado por Horizon Europe, centrado na mellora da seguridade dos vehículos eléctricos de batería (BEV) tras accidentes. O socio seleccionado asumirá todas as tarefas relacionadas co deseño do vehículo, integración de baterías, diagnóstico a bordo e apoio en procedementos de emerxencia. O proxecto busca avanzar no deseño seguro de BEVs, avaliación do estado das baterías, reciclaxe e reutilización tras accidentes, e establecer boas prácticas para servizos de emerxencia. A data límite para expresar interese é o 31 de xullo de 2025.
Contactar -
Empresa tecnolóxica turca busca socios para proxecto Eurostars en privacidade de datos e validación de sistemas de RRHH baseados en IA
Unha destacada empresa tecnolóxica turca, con máis de 1.000 investigadores e ampla experiencia en comunicación móbil, IA, blockchain e big data, busca socios internacionais para un proxecto Eurostars centrado no desenvolvemento dunha plataforma intelixente de xestión de talento e recrutamento. O obxectivo é automatizar e optimizar todo o proceso de contratación mediante intelixencia artificial, garantindo á vez o cumprimento das normativas de privacidade de datos e a mitigación de sesgos algorítmicos. Procúranse dúas entidades especializadas: unha en protección de datos e cumprimento normativo, e outra en análise e redución de sesgos en sistemas de IA aplicados a procesos de selección.
Contactar -
Empresa irlandesa busca socios para proxecto EIC Pathfinder en biotecnoloxía aplicada a cultivos resistentes ao clima e biofabricación vexetal
Unha empresa biotecnolóxica irlandesa especializada na valorización de biomasa forestal procura socios europeos para un proxecto a presentar á convocatoria EIC Pathfinder Challenge no eido da biotecnoloxía para cultivos resilientes ao cambio climático e a biofabricación vexetal. O proxecto céntrase no desenvolvemento dun recubrimento biodegradable para fertilizantes a base de lignina e celulosa, cun enfoque en eficiencia nutricional, seguridade ambiental e economía circular. Buscan socios con experiencia en ciencia de materiais e enxeñaría de polímeros, procesado e caracterización de biomasa lignocelulósica, e agronomía aplicada para validación en campo. A tecnoloxía atópase nun nivel TRL 3 e precisa avanzar cara á validación en contornos reais.
Contactar
Quedamos á vosa disposición para calquera dúbida sobre esta información, así como sobre os diferentes aspectos relacionados cos Programas Internacionais de I+D+i, no enderezo electrónico galactea.gain@xunta.gal e no teléfono 981 957 000.
Pode acceder a todos os Boletíns EEN difundidos a través desta ligazón.
Se non desexa recibir este boletín pode vostede darse de baixa enviando un mail a informa.gain@xunta.es
dende a conta na que desexe anular a suscripción.