|
Número 11 Decembro 2025 |
Publicado o Programa de Traballo 2026 do Consello Europeo de Innovación
O Consello Europeo de Innovación (EIC) de Horizonte Europa publicou o seu Programa de Traballo 2026, con un orzamento total de 1.424 millóns de euros que inclúe convocatorias como Pathfinder Open e Retos, Transition, Acelerador, STEP Scale-up e os novos Retos Avanzados de Innovación. Entre as novidades destacan un redeseño do proceso de avaliación do Acelerador, a implementación de entrevistas en Bruxelas e a apertura da primeira fase dos Retos Avanzados de Innovación en temáticas como intelixencia embebida para robótica e metodoloxías para substituír ensaios preclínicos con animais. Este programa busca fortalecer o ecosistema europeo de innovación e apoiar ás empresas, universidades e centros de investigación no desenvolvemento de proxectos con alto potencial de impacto.
Ler máisConvocatorias
-
Aberta a convocatoria Erasmus+ KA220-SCH para proxectos de cooperación en educación escolar
A convocatoria Erasmus+ KA220-SCH (Call 2026 | Round 1) apoia proxectos de cooperación internacional destinados a mellorar a calidade da educación escolar mediante innovación pedagóxica, creación de redes transnacionais e desenvolvemento de novos métodos e recursos. Procúranse organizacións interesadas en fortalecer a súa capacidade de traballo europeo, crear resultados educativos transferibles e contribuír á modernización da educación a través de prácticas innovadoras e colaborativas. Permanecerá aberta ata o 5 de marzo de 2026.
Máis información -
Convocatorias abertas Horizonte Europa: Clúster 5 “Clima, Energía e Movilidade” ate xaneiro 2026
Se encuentran abiertas las convocatorias del Clúster 5 de Horizonte Europa, centradas en “Clima, Energía y Movilidad”, con fecha de cierre prevista para el 20 de enero de 2026. Estas oportunidades de financiación abarcan desde soluciones transversales para la transición climática y el suministro de energía sostenible, hasta la movilidad segura, resiliente e inteligente para pasajeros y mercancías. Las empresas, centros de investigación y organizaciones interesadas pueden consultar los distintos temas disponibles y preparar sus propuestas para contribuir a la innovación, sostenibilidad y eficiencia energética en Europa.
Máis información -
Convocatorias EuroHPC para aplicar a supercomputación en distintas áreas
A Axencia Estatal de Investigación (AEI) anunciou a cofinanciación das novas convocatorias da EuroHPC Joint Undertaking (EuroHPC JU), destinadas a impulsar o desenvolvemento de aplicacións avanzadas de supercomputación en Europa. Estas axudas enmárcanse no programa Establishing HPC Centres of Excellence and Lighthouse Codes, dentro da área de Tecnoloxías da Información e Comunicación, e teñen como obxectivo reforzar o liderado europeo en HPC (High Performance Computing), promover aplicacións escalables e eficientes en enerxía e integrar intelixencia artificial e big data en aplicacións científicas e industriais. A data límite para presentar propostas é o 20 de xaneiro de 2026 ás 17:00 CET, nun modelo de presentación en fase única.
Máis información -
Europa aposta pola computación cuántica industrial coa convocatoria Quantum Grand Challenge
Esta convocatoria invita ás startups europeas de computación cuántica a desenvolver solucións con clara perspectiva de mercado. O proceso divídese en dúas fases: a primeira para preparar unha folla de ruta técnica e financeira con prototipos ou probas de principio, e a segunda para acadar madurez tecnolóxica e preparación para o mercado, en liña cos obxectivos de innovación, competitividade e crecemento sostible en sectores estratéxicos.A data límite de propostas é o 29 de xaneiro de 2026.
Máis información
Eventos
-
Xornada informativa de Horizonte Europa Clúster 5: Clima, Enerxía e Mobilidade
Data: Do 15/01/2026 ata 15/01/2026
Se tes interese nas oportunidades de financiamento para proxectos de investigación e innovación nas áreas de clima, enerxía e mobilidade, non perdas a Xornada Informativa do Cluster 5 de Horizonte Europa o 15 de xaneiro de 2026. Este evento en liña ofrecerá información sobre o contexto político, orientación para preparar propostas de alta calidade, e sesións paralelas interactivas por temática, permitindo aos participantes resolver as súas dúbidas en tempo real mediante Slido. Ademais, o 14 de xaneiro celebrarase un brokerage event organizado polo proxecto GREENET para facilitar encontros e buscar socios internacionais.
Ver detalles -
Xornada de Horizonte Europa sobre as EU Missions en Saúde, Clima e Medio Ambiente
Data: Do 28/01/2026 ata 29/01/2026
Oportunidade para descubrir as novas convocatorias e temas 2026 das EU Missions baixo Horizonte Europa o 28 e 29 de xaneiro de 2026. Este evento en liña permitirá aos participantes aprender como contribuír ás solucións concretas para retos sociais clave en adaptación ao cambio climático, cancro, cidades intelixentes, océanos e augas, e saúde do solo. A través de Slido e encontros bilaterais, os asistentes poderán presentar as súas capacidades, ideas de proxecto e establecer colaboracións para formar consorcios competitivos nas chamadas de 2026. A inscrición é obrigatoria.
Ver detalles -
Horizonte Europa Cluster 6 Info Days: Alimentación, Bioeconomía, Recursos Naturais, Agricultura e Medio Ambiente
Data: Do 22/01/2026 ata 23/01/2026
Info days do Cluster 6 os próximos 22 e 23 de xaneiro de 2026 en Bruxelas e en liña para coñecer os temas do programa de traballo 2026. As xornadas ofrecerán unha visión do contexto político, sesións key-to-success con consellos para propostas de calidade, e presentacións específicas de cada tema. O primeiro día inclúe sesións plenarias e de destinos 2 e 3, mentres que o segundo día abordaranse os destinos 1, 4, 5, 6 e 7, rematando con espazos para networking e intercambio de experiencias.
Ver detalles
Novas
-
Crecemento do centro tecnolóxico GRADIANT en Vigo con forte financiación pública e privada
O centro de innovación GRADIANT, con sede en Vigo, multiplicou os seus ingresos e plantilla nos últimos anos e consolídase como referente en deep tech, obtendo máis de 96 M€ en financiamento público e privado para potenciar tecnoloxías clave como IA, ciberseguridade e comunicacións intelixentes.
Ler máis -
Liña de axudas da Xunta para promover taxi adaptado e sostible
A Xunta destina 500.000€ para fomentar a modernización do taxi galego, mellorando a accesibilidade e a sustentabilidade mediante a incorporación de vehículos adaptados ou de baixas emisións
Ler máis -
Rueda subliña o impulso da investigación galega grazas ao investimento, ao talento e ao recoñecemento internacional
O presidente da Xunta, Alfonso Rueda, destacou o excelente momento que atravesa a investigación en Galicia, impulsada por unha maior inversión, medidas para atraer e reter talento e un crecente recoñecemento internacional. Rueda salientou que falar de I+G+i é “poñerlle nome á ciencia que xa está mellorando a saúde, a industria e a tecnoloxía”, e salientou o valor dun ecosistema de investigación único que reflicte o concepto de Galicia Calidade. A Xunta destina máis de 1.300 millóns de euros ata 2027 para promover a innovación e constituiu a Fundación Galtia para atraer trinta investigadores de primeiro nivel. Ademais, Galicia conta coa liña cuántica máis longa de España e será sede dunha das seis novas fábricas de intelixencia artificial de Europa.
Ler máis
Busca de Socios
-
Procúranse socios para un proxecto Erasmus+ que desenvolverá unha plataforma de IA para analizar interaccións entre medicamentos, alimentos e suplementos
Procúranse entidades interesadas en participar nun proxecto Erasmus+ KA220 centrado no desenvolvemento dunha plataforma dixital baseada en intelixencia artificial para identificar e interpretar interaccións entre medicamentos, alimentos e suplementos. A iniciativa require socios con capacidades en validación científica, deseño accesible, IA, desenvolvemento tecnolóxico, creación de materiais educativos, pilotaxe con grupos de usuarios e actividades de difusión. O proxecto busca fortalecer a alfabetización en saúde e promover ferramentas dixitais inclusivas e multilingües de acceso aberto.
Contactar -
Procúranse socios europeos para proxecto Erasmus+ sobre identidade cultural e memoria rural
Procúranse entidades europeas interesadas en participar nun proxecto Erasmus+ previsto para 2026 centrado na recuperación da identidade cultural en zonas rurais afectadas por procesos de perda de memoria histórica. A iniciativa aposta por intervencións artísticas participativas, investigación cultural e traballo comunitario, e está aberta á incorporación tanto de socios como de entidades coordinadoras con experiencia en proxectos europeos.
Contactar -
Procúranse socios industriais para proxecto europeo de inmunoterapia oncolóxica (EIC Pathfinder 2026)
Procúranse socios industriais europeos para integrarse nun consorcio que prepara unha proposta á convocatoria EIC Pathfinder Open 2026. O proxecto aborda o desenvolvemento de terapias innovadoras para superar a resistencia á inmunoterapia en cancro colorrectal e outros tumores sólidos, combinando pequenas moléculas e plataformas de nanomedicina de precisión, con claras perspectivas de avance cara ao desenvolvemento clínico.
Contactar -
Novo proxecto europeo abordará a resistencia aos antibióticos a través de vesículas extracelulares bacterianas
Procúranse entidades europeas para participar nun proxecto internacional orientado á convocatoria OH-AMR 2026, centrado na caracterización multi-ómica de vesículas extracelulares bacterianas procedentes de cepas resistentes e sensibles aos antibióticos. A iniciativa combina microbioloxía, tecnoloxías ómicas avanzadas e bioinformática para identificar novos biomarcadores con potencial diagnóstico e terapéutico fronte á resistencia antimicrobiana.
Contactar -
Innovación na educación infantil: buscan socios académicos internacionais
Procúrase a colaboración de socios académicos para un proxecto Erasmus+ KA220-SCH centrado na integración de Intelixencia Artificial e aprendizaxe STEM na educación infantil. Os socios participarán no deseño de actividades, formación de docentes e implementación de pilotos en prescolares, contribuíndo á avaliación dos resultados e á transferencia internacional do modelo pedagóxico.
Contactar -
Innovación na formación en matronaría: procúrase colaboración europea
Buscanse socios académicos, tecnolóxicos, clínicos e entidades públicas para participar nun proxecto Erasmus+ KA220-HED que desenvolverá módulos de formación inmersivos baseados en Realidade Aumentada e Intelixencia Artificial para estudantes de matronaría. A colaboración incluirá deseño de contidos, pilotaxe con estudantes e difusión de resultados a nivel europeo.
Contactar
Quedamos á vosa disposición para calquera dúbida sobre esta información, así como sobre os diferentes aspectos relacionados cos Programas Internacionais de I+D+i, no enderezo electrónico galactea.gain@xunta.gal e no teléfono 981 957 000.
Pode acceder a todos os Boletíns EEN difundidos a través desta ligazón.
Se non desexa recibir este boletín pode vostede darse de baixa enviando un mail a informa.gain@xunta.es
dende a conta na que desexe anular a suscripción.