Xornada sobre oportunidades da innovación local

O ámbito local será unha prioridade para o desenvolvemento da innovación en Galicia. Neste contexto, os plans locais de I+D+i adquirirán un papel clave para conectar as necesidades reais dos concellos con solucións que permitan mellorar os servizos públicos, modernizar as administracións e xerar un impacto sostible no territorio. Para abordar as oportunidades que ofrece o impulso da innovación local e coñecer diversas experiencias desenvolvidas neste ámbito a nivel estatal, celebramos o vindeiro 16 de decembro unha xornada.

Inscríbete na xornada!

Innovación para impulsar a transformación municipal

Unha das principais novidades do Plan galego de investigación e innovación 25-27 é o protagonismo que cobra a innovación local.

Os plans locais de I+D+i contémplanse como instrumentos estratéxicos que permitirán aos concellos:

* Identificar desafíos concretos;
* Deseñar solucións adaptadas ás súas necesidades específicas, contribuíndo así a mellorar a prestación dos servizos públicos, modernizar a administración local e xerar un impacto no territorio.

Esta xornada nace co propósito de abordar diferentes aspectos relacionados coa I+D+i no ámbito local e dar a coñecer experiencias relevantes. Ademais do conselleiro de Educación, Ciencia, Universidades e FP, Román Rodríguez, que fará a apertura, intervirán o presidente da FEGAMP, Alberto Varela; a directora da Axencia Galega de Innovación, Carmen Cotelo; a directora xeral de Administración Local, Natalia Prieto; así como alcaldes de Galicia e representantes doutras comunidades autónomas.

A quen está dirixido o evento?:

O evento non só está dirixido ás administracións locais, senón tamén ao resto de axentes do ecosistema innovador galego (empresas, centros de coñecemento, sociedade) co obxectivo de promover a colaboración entre eles.

Podes consultar o programa e inscribirte na sección de eventos da Axencia

Inscríbete!

Novas

Ver todas

01 de Decembro de 2025

A Xunta incrementa ata máis de 64 M€ as achegas no ano 2026 para grupos de investigación e contratos predoutorais e posdoutorais

Ler máis

28 de Novembro de 2025

A Xunta rescata con 1,6 M€ proxectos de sete empresas de base tecnolóxica sen financiamento estatal

Ler máis

Eventos

Ver todos

17
Decembro

II International Quantum Business Conference

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.