Premios á Transferencia de Tecnoloxía en Galicia 2026

A Axencia Galega de Innovación e a Real Academia Galega de Ciencias (RAGC) veñen de convocar os Premios á Transferencia de Tecnoloxía en Galicia 2026. Estes galardóns, que chegan á súa duodécima edición, queren recoñecer o traballo dos grupos de investigación e das empresas que apostan pola transferencia de coñecemento como base para o desenvolvemento socioeconómico de Galicia. O prazo de presentación de candidaturas está aberto ata o 28 de febreiro.

Categorías

Premio “Francisco Guitián Ojea”

Traballo de investigación aplicada, dotado con 5.000 €, para recoñecer a creación, a cargo dun grupo de investigación, dunha tecnoloxía aínda non transferida e da que se deriven claras aplicacións para o desenvolvemento socioeconómico de Galicia.

Premio “Fernando Calvet Prats”

Caso de éxito de transferencia de tecnoloxía desde un grupo de investigación a unha empresa, dotado con 5.000 €. Prémiase conxuntamente ao grupo de investigación creador da tecnoloxía transferida e á empresa destinataria. Será válido calquera mecanismo de transferencia desde o grupo á empresa (adquisición de patente, proxecto conxunto, spin-off, etc.). O premio económico será outorgado ao grupo de investigación creador da tecnoloxía transferida.

Beneficiarios

- Persoal investigador das universidades galegas e dos centros de investigación, centros tecnolóxicos, fundacións sanitarias e demais organismos de investigación radicados en Galicia.
- Para optar ao premio Fernando Calvets Prats, será imprescindible a participación de empresas galegas ou con centro de traballo en Galicia.

Gañadores das edicións anteriores

Na páxina da Real Academia Galega de Ciencias, podes consultar os proxectos premiados en edicións anteriores nas diferentes categorías.

Consulta as bases dos premios e anímate a participar!

Bases dos premios

Novas

Ver todas

14 de Xaneiro de 2026

Galicia entra na carreira do deseño de procesadores cuánticos grazas ao novo laboratorio CESGA-IGFAE

Ler máis

13 de Xaneiro de 2026

Galicia lidera o uso da innovación na contratación pública en España e sitúase por riba da media europea

Ler máis

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.