Galicia impulsa a transferencia de coñecemento coa participación en tres encontros especializados

Esta semana unha delegación do ecosistema galego de I+G+i participa na IV edición da feira internacional Science for Industry (S4i) en Madrid. Así mesmo, no mes de febreiro participaremos os días 11 e 12 de febreiro no cuarto encontro “Invertir en ciencia sí es rentable” en Santiago de Compostela e, do 24 ao 26 de febreiro, no foro Transfiere en Málaga.

Science for Industry

‍A Consellería de Educación, Ciencia, Universidades e FP lidera a delegación galega, representada no stand institucional da Xunta e formada por máis de 70 persoas dunha trintena de entidades do ecosistema galego de I+G+i, que participa ata hoxe na cuarta edición deste encontro.

O obxectivo é identificar oportunidades de negocio e favorecer a transferencia ao mercado dos proxectos de investigación orientados á industria desenvolvidos en Galicia. Ademais, a directora da Axencia Galega de Innovación, Carmen Cotelo, participou na mesa redonda "Modelos e instrumentos de gobernanza para promover a transferencia de coñecemento", xunto a representantes do Ministerio de Ciencia, Innovación e Universidades e das comunidades autónomas de Extremadura e Navarra.

Invertir en ciencia sí es rentable

Os vindeiros 11 e 12 de febreiro celebrarase en Santiago de Compostela o IV encontro nacional do ecosistema de inversión en ciencia e tecnoloxía deep tech “Invertir en ciencia SÍ es rentable” organizado por Unirisco e Xesgalicia.

Neste encontro exploraranse exemplos de IA ao servizo das persoas e de emprendemento deep tech en beneficio de sectores estratéxicos (biotecnoloxía e ciencias da vida, aeroespazo e seguridade, entre outros). Durante as dúas xornadas desenvolveranse actividades diversas como a visita a centros do ecosistema TIC e Biotech de Galicia, sesións prácticas, palestras, mesas de debate e espazos de networking co obxectivo de conectar o talento científico co capital emprendedor e empresarial.
Haberá unha sesión de debate sobre o investimento deep tech e presentaranse casos de éxito de spin-offs.

Transfiere: Foro Europeo para a Ciencia, a Tecnoloxía e Innovación

O ecosistema galego de I+G+i tamén estará presente, cunha delegación formada por máis dunha vintena de entidades, na vindeira edición de Transfiere, un dos maiores foros europeos de I+D+i que se celebrará en Málaga do 24 ao 26 de febreiro.

Co obxectivo de promover a transferencia de coñecemento, a innovación e a colaboración entre ciencia, mercado e administración, durante o evento celebraranse un gran número de conferencias, espazos de networking, presentacións de prototipos, start-ups e proxectos de investigación.

Novas

Ver todas

28 de Xaneiro de 2026

A Xunta destaca os premios de investigación RAGC-Barrié como exemplo do talento da I+G+i

Ler máis

27 de Xaneiro de 2026

A Xunta e o Goberno de España avanzan en Bruxelas na planificación da factoría europea de IA que acollerá o Cesga

Ler máis

Eventos

Ver todos

26
Febreiro

Infoday novas convocatorias EIC 2026

17
Marzo

Infoday convocatorias Horizonte Europa CL2: Cultura, creatividade e sociedade inclusiva

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición.