Convocadas as axudas para grupos de investigación e persoal investigador

A Xunta de Galicia reforza o sistema de I+G+I destinando máis de 64 millóns de euros ás convocatorias de 2026 de consolidación e estruturación de unidades de investigación competitivas, axudas de apoio á etapa predoutoral e posdoutoral e doutoramentos industriais. A través destas convocatorias estase apoiando actualmente arredor de 670 contratos, así como 448 grupos e medio centenar de doutorandos industriais.

Convocatoria de axudas 2026 dirixida aos grupos de investigación máis competitivos do sistema de I+D+i

Obxecto:	Axudas para consolidar, estruturar e especializar as unidades de investigación máis competitivas do sistema galego de I+D+i en tres modalidades: grupos de referencia competitiva, grupos con potencial de crecemento e proxectos de persoal investigador con traxectoria excelente.
Destinatarios:	As universidades públicas do Sistema Universitario de Galicia (SUG) e os organismos públicos de investigación de Galicia, as fundacións de investigación sanitaria de Galicia e os centros do CSIC radicados en Galicia.
Dotación:	28,9M€
Prazo de solicitude:	20/01/2026 – 19/02/2026

Máis información

Axudas de apoio á etapa predoutoral

Obxecto:	A contratación de persoal investigador nas súas etapas iniciais.
Destinatarios:	As universidades públicas do Sistema Universitario de Galicia (SUG) e os organismos públicos de investigación de Galicia, as fundacións de investigación sanitaria de Galicia e os centros do CSIC radicados en Galicia.
Dotación:	12,4M€
Prazo de solicitude:	28/01/2026 - 27/02/2026
Nº de contratos previstos:	Un máximo de 102 (90 para as universidades do SUG e 12 para as demais entidades).
Novidades:	Auméntase a dotación orzamentaria, incorporando un premio pola lectura da tese e realízase un lixeiro axuste das puntuacións nos criterios da baremación. Por outra banda, elimínase a obriga de permanecer un mínimo de tres meses no programa para que os contratos sexan financiables e realízase unha simplificación administrativa e de documentación requirida.

Máis información

Axudas de apoio á etapa posdoutoral

Obxecto:	Axudas para a contratación de persoal investigador doutor para o fomento da súa carreira científica mediante contratos dun máximo de 6 anos.
Destinatarios:	As universidades públicas do Sistema Universitario de Galicia (SUG) e os organismos públicos de investigación de Galicia, as fundacións de investigación sanitaria de Galicia e os centros do CSIC radicados en Galicia.
Dotación:	16,5M€
Prazo de solicitude:	28/01/2026 - 27/02/2026
Nº de contratos previstos:	49 axudas (40 para as universidades do SUG e 9 para as demais entidades).
Novidades:	Increméntase o orzamento destinado ás estadías que se desenvolvan na zona 3 e a dotación económica para a liña de investigación propia e concédese unha puntuación adicional para aquelas persoas candidatas que realizaron a lectura da tese de doutoramento nas universidades públicas galegas.

Máis información

Axudas para completar a etapa de formación posdoutoral

Obxecto:	Axudas destinadas á continuación da formación científica de persoas investigadoras contratadas previamente a través do programa de axudas de apoio á etapa de formación posdoutoral.
Destinatarios:	As universidades públicas do Sistema Universitario de Galicia (SUG) e os organismos públicos de investigación de Galicia, as fundacións de investigación sanitaria de Galicia e os centros do CSIC radicados en Galicia.
Dotación:	3,8M€
Prazo de solicitude:	28/01/2026 - 27/02/2026
Nº de contratos previstos:	24 axudas (20 axudas para as universidades do SUG e 4 para as demais entidades).
Novidades:	Esta convocatoria presenta como novidade o aumento da dotación orzamentaria para o financiamento da liña de investigación propia.

Máis información

Programa de Doutoramentos Industriais

Obxecto:	Contratación de 15 estudantes de doutoramento en empresas e centros tecnolóxicos para desenvolver a súa tese doutoral nunha contorna empresarial. O proxecto de investigación debe estar orientado a resolver as necesidades e problemas da empresa ou centro, en colaboración cunha universidade pública galega que se encargará da formación investigadora da persoa doutoranda.
Destinatarios:	Empresas e centros de innovación e tecnoloxía con domicilio social ou centro de traballo en Galicia e persoal investigador matriculado nun programa oficial de doutoramento dunha universidade do SUG ou con compromiso de matriculación.
Dotación:	2,6M€
Prazo de solicitude:	28/02/26-27/03/26

Máis información

Consulta información sobre estas convocatorias na páxina da Axencia Galega de Innovación

Máis información

Novas

Ver todas

01 de Febreiro de 2026

A Xunta visibiliza o talento e a competitividade da I+G+i a través dunha campaña entre a cidadanía

Ler máis

31 de Xaneiro de 2026

A Xunta contratará este ano máis de 175 novos investigadores predoutorais e posdoutorais cun investimento de máis de 32 M€

Ler máis

Eventos

Ver todas

26
Febreiro

Infoday novas convocatorias EIC 2026

17
Marzo

Infoday convocatorias Horizonte Europa CL2: Cultura, creatividade e sociedade inclusiva

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición.