Presentación da nova convocatoria Ciencia-Empresa e mesas de traballo da RIS3

O vindeiro 25 de marzo presentaremos a nova convocatoria Ciencia-Empresa, dotada con 3 millóns de euros, para apoiar proxectos de investigación industrial e desenvolvemento experimental levados a cabo por unha peme. Ademais, o 9 de abril levaranse a cabo mesas de traballo participativas para a revisión dos ámbitos de priorización da Estratexia de Especialización Intelixente de Galicia (RIS3 2021-2027). Por último, xa temos fixadas no calendario as próximas xornadas informativas do Ciclo Europa, para presentar as convocatorias de axudas europeas do Clúster 2 (Cultura, creatividade e sociedade inclusiva), o 17 de marzo, e do clúster 3 (Seguridade Civil), o 16 de abril.

Máis información

Horizonte Europa CL2: Cultura, creatividade e sociedade inclusiva

Data e hora:	17 de marzo, 10:00 horas
Lugar:	Sede da Axencia Galega de Innovación (Santiago de Compostela)
Obxecto:	Xornada de presentación das convocatorias do Clúster 2: Cultura, creatividade e sociedade inclusiva do Programa Horizonte Europa (HE) para 2026. A xornada terá lugar en formato unicamente presencial e contará coa participación de Adeline Marcos Talva, Punto Nacional de Contacto do CDTI e representante do CL2, que ademais de presentalas en detalle manterá reunións bilaterais coas entidades interesadas.

Quero asistir!

Presentación da convocatoria Ciencia-Empresa

Data e hora:	25 de marzo, 12:00 horas
Lugar:	Auditorio Neira Vilas. Biblioteca de Galicia. Cidade da Cultura de Galicia. Santiago de Compostela.
Obxecto:	Presentación da nova convocatoria de axudas da Axencia para apoiar proxectos de investigación industrial e desenvolvemento experimental individuais de pemes galegas. Está prevista a publicación no DOG o 25 de marzo.

Quero asistir!

Mesas de traballo da RIS3

Data e hora:	9 de abril, dende as 9:00 horas
Lugar:	Sala 9 do Edificio Fontán. Cidade da Cultura de Galicia. Santiago de Compostela
Obxecto:	O obxectivo desta revisión é debater sobre a redución e simplificación dos ámbitos de priorización para asegurar un mellor aproveitamento das oportunidades emerxentes e unha maior claridade e operatividade na implementación da estratexia.

Quero asistir!

Reserva a data!

O próximo 16 de abril celebraremos na Autoridade Portuaria de A Coruña, unha xornada do Clúster 3 sobre Seguridade Civil para a Sociedade. O próximo luns abriremos o formulario de inscrición para que te poidas anotar!

Novas

Ver todas

11 de Marzo de 2026

As entidades galegas logran captar 24,3 M€ en tres convocatorias estatais de I+D+i empresarial

Ler máis

10 de Marzo de 2026

Nove proxectos de investigación levarán os seus resultados ao mercado co apoio do programa Ignicia da Xunta

Ler máis

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición.