A Xunta de Galicia e Telefónica poñen en marcha a aceleradora: Retos Industria 4.0

Grazas á colaboración entre Telefónica e a Xunta de Galicia, a través da GAIN, AMTEGA IGAPE e XesGalicia, porase en marcha en 2018 un programa de aceleración da innovación centrado na Industria 4.0. Os participantes nesta aceleradora deberán propoñer solucións a seis retos no ámbito da Industria 4.0 planteados por seis empresas de referencia nos sectores estratéxicos de Galicia.

Máis información

Cifras

A aceleradora lanzará unha convocatoria para cada un dos retos en base ás propostas definidas polas empresas, previamente seleccionadas por Telefónica e a Xunta de Galicia. Seleccionaranse catro finalistas por reto que terán acceso a un programa personalizado de mentoring e a un patrocinio de 10.000 euros de GAIN.

O mellor proxecto do programa de aceleración recibirá unha axuda de 10.000 euros da Amtega e a solución gañadora accederá a unha axuda de 20.000 euros de GAIN para implantar o piloto da súa proposta na empresa tractora. Ademais, poderá acceder a un préstamo reembolsable de XesGalicia de ata 100.000 euros polo investimento realizado na posta en marcha do piloto.

Os outros tres proxectos finalistas, sempre que estean constituídos como empresa, poderán optar a un préstamo reembolsable por un máximo de 50.000 euros. En total, a Xunta e Telefónica investirán preto de 1 millón de euros nesta iniciativa.

Enmarcado na Estratexia de Especialización Intelixente de Galicia 2014-2020 (RIS3 Galicia), na Axenda de Competitividade Galicia Industria 4.0 e o Pacto Dixital de Galicia, o obxectivo deste programa é crear un modelo de innovación aberta no que empresas tractoras, emprendedores, startups e administración traballen conxuntamente para impulsar a transformación cara a Industria 4.0 do noso tecido empresarial.

Esta aceleradora súmase a outras iniciativas que a Axencia Galega de Innovación ten en marcha no ámbito do impulso á Industria 4.0, como o anuncio publicado no DOG do pasado 26 de outubro para a realización de manifestacións de interese para o desenvolvemento de proxectos de I+D+i no eido da Industria 4.0 ou Fábrica Intelixente que contribúan a mellorar a competitividade de Galicia, estratéxicos para os nosos intereses industriais.

Felices Festas!

Dende a Axencia Galega de Innovación aproveitamos para desexarche un Bo Nadal e despedímonos ata o 11 de xaneiro.

Enderezo

Rúa Airas Nunes, S/N (Conxo) 15702 Santiago de Compostela
informa.gain@xunta.gal