Próximo peche de varias convocatorias

Nos vindeiros días pechan varias convocatorias da Axencia Galega de Innovación: as axudas para fortalecemento de centros de xeración de coñecemento; ás axudas de apoio á etapa predoutoral e as axudas para a realización de proxectos de colaboración entre pemes en áreas estratéxicas para Galicia, o programa Conecta Peme.

2 de marzo, Fortalecemento de Centros Tecnolóxicos

Este venres pecha o prazo para que os centros tecnolóxicos e os centros de apoio á innovación recoñecidos (RD 2093/2008 de 19 de decembro) soliciten estas axudas. Esta liña, dotada cun orzamento total de 6,5 millóns de euros, cubre ata o 50% dos custos de adquisición de infraestruturas de investigación de alta calidade e de carácter aberto e compartido, co obxectivo de mellorar a excelencia científica e as tarefas de transferencia destes centros. Máis información.

6 de marzo, Predoutorais

O vindeiro martes pecha o prazo para solicitar axudas por parte das universidades do SUG, organismos públicos de investigación de Galicia, fundacións de investigación sanitaria de Galicia e os centros do CSIC e do IEO radicados en Galicia para a contratación de persoas tituladas superiores para a súa formación como doutores/as. Esta convocatoria conxunta coa Consellería de Cultura, Educación e Ordenación Universitaria está dotada con preto de 7,6 millóns de euros. Máis información.

8 de marzo, Conecta Peme

O vindeiro xoves remata o periodo de solicitude das axudas para proxectos de I+D+i en cooperación entre pemes e demais axentes do Sistema galego de innovación. O obxectivo desta liña de axudas é incrementar a I+D+i empresarial en Galicia primando na selección dos proxectos o novidoso das tecnoloxías xeradas e, en especial, a súa capacidade para poñer no mercado novos produtos e solucións. Dotada con 27 millóns de euros, cubre entre o 15 e o 80% dos custos subvencionables en función do tipo de empresa e proxecto. Máis información.

Novas

Ver Todas

28 de Febreiro de 2018

Conde destaca o apoio da aceleradora Galicia Open Future á innovación aberta para conectar o talento co tecido empresarial

O conselleiro de Economía, Emprego e Industria, Francisco Conde, participou hoxe en Santiago na clausura da xornada ‘Galicia en Digital. Industria 4.0:¿Compartimos este camino?’ na que se presentou a cuarta edición do programa que desenvolve Telefónica co apoio da Xunta

Ler máis

28 de Febreiro de 2018

A Xunta salienta que a unidade mixta de investigación Estaleiro do futuro impulsa a transformación dixital do sector naval

A directora da Axencia Galega de Innovación (Gain), Patricia Argerey, asistiu hoxe en Ferrol á demostración do uso de drons na construción e reparación naval realizada por Navantia a través da Unidade Mixta de Investigación “Estaleiro do futuro”, na que participa tamén a Universidade da Coruña, co apoio da Xunta

Ler máis

Próximos Eventos

Ver todos

02
Marzo

Hubs de Innovación Dixital: novos marcos de colaboración

Enderezo

Rúa Airas Nunes, S/N (Conxo) 15702 Santiago de Compostela
informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.