III Edición da aceleradora Vodafone Connecting for Good Galicia

Trátase dunha iniciativa que ten por finalidade apoiar a emprendedores e pemes de recente creación cuxos proxectos de negocio contribúan á innovación social a través do impulso e uso das novas tecnoloxías en Galicia, nos ámbitos da educación, a saúde, a participación cidadá ou a accesibilidade, entre outros, e valorando de forma especial o enfoque inclusivo para os colectivos de persoas con discapacidade e persoas maiores.

Os seis proxectos seleccionados contarán con: formación, durante a fase de academia cunha duración de polo menos seis meses; mentoring, asesoría experta en temas de comunicación, vendas, negocio, dixitalización e accesibilidade para o desenvolvemento dun plan personalizado para cada proxecto; patrocinio a través da Axencia Galega de Innovación cunha dotación de 2.000€ e a posibilidade dun cheque RRHH da Fundación Vodafone para a formación e contratación dunha persoa con discapacidade que se incorpore ao equipo de traballo do proxecto en cuestión.

Así mesmo, poderán optar ao seguinte financiamento: unha axuda de 25.000 euros da Axencia Galega de Innovación, un préstamo participativo de Xesgalicia polo mesmo importe ao mellor dos seis proxectos para a súa execución e posta en marcha e o premio “Conectados pola Accesibilidade”, outorgado pola Fundación Vodafone, cunha dotación de 10.000€ ao proxecto que mellor incorpore os principios de accesibilidade universal.

O vindeiro 21 de xuño celebrarase na Cidade da Cultura a xornada “Meetup Oportunidades de innovación 5G” aberta a todas as persoas con curiosidade polas novas tecnoloxías 5G e os seus retos e na que se presentará a convocatoria aberta da aceleradora Vodafone Connecting for Good Galicia. Tes máis información sobre a xornada na seguinte ligazón.

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.