II Encontro de Deseño para a Innovación Empresarial
O Encontro consolídase este ano celebrando a súa segunda edición o 28 de xuño, de novo con motivo do Día Mundial do Deseño Industrial.
A Axencia Galega de Innovación (GAIN) invita a todos os axentes do ecosistema do deseño galego ao evento, que terá lugar no CIS Tecnoloxía e Deseño, en Ferrol. Será unha oportunidade para abrir novas canles de contacto entre os profesionais do deseño e as empresas galegas, con especial atención nesta edición ao deseño estratéxico para a innovación centrada nas persoas.
NOVAS ACCIÓNS PARA IMPULSAR O DESEÑO GALEGO
Durante o encontro presentaranse as novas accións do Programa de Deseño para a Innovación 2020 e a publicación “O deseño como motor. Casos de éxito”.
Ademais, os asistentes terán ocasión de coñecer as últimas tendencias do deseño internacional da man de profesionais galegos que xa son referentes a nivel global: Iván Mato, Coca Rivas, Isaac Piñeiro, Nuria Carballo e Manuel Vázquez.
A xornada completarase coa experiencia de dúas empresas na incorporación do deseño á súa estratexia de negocio: a multinacional Nationale-Netherlanden e a peme galega María Martínez Otero.
PÚBLICO DESTINATARIO
Os destinatarios principais do encontro son deseñadoras e deseñadores galegos de todas as disciplinas, estudantes desta especialidade e representantes de empresas e doutras entidades interesadas en potenciar o deseño como ferramenta de innovación e competitividade nas súas organizacións.
PROGRAMA E FORMULARIO
Podes consultar o programa e inscribirte neste encontro nesta ligazón.
Conde destaca que Galicia traballa para marcar a diferenza a través dos seus proxectos biotecnolóxicos
O conselleiro de Economía, Emprego e Industria, Francisco Conde, destacou hoxe que Galicia está a traballar para marcar a diferenza na Unión Europea a través dos seus proxectos biotecnolóxicos no marco da terceira xornada organizada pola Xunta para avaliar os resultados da Estratexia de Especialización Intelixente de Galicia, a RIS3.
Rúa Airas Nunes, S/N (Conxo) 15702 Santiago de Compostela
informa.gain@xunta.gal
Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.