Ver a versión en liña

Xornada “Os deseñadores como factor de éxito”

A Axencia Galega de Innovación (Gain) celebra o vindeiro 28 de novembro no CIS Tecnoloxía e Deseño en Ferrol a xornada: “Os deseñadores como factor de éxito”, enmarcada no Programa de Deseño para a Innovación 2020.

DESCRICIÓN DA XORNADA

O obxectivo desta xornada é difundir o papel do deseño como unha ferramenta clave no desenvolvemento de produtos e servizos orientados ao usuario, e contribuír así a unha maior competitividade das pequenas e medianas empresas. Este encontro enmárcase no proxecto europeo Interreg Europe Design4Innovation que está promovendo a incorporación de plans de acción en materia de deseño nas políticas públicas de innovación de oito rexións ou países integrados no proxecto.

Na xornada darase a coñecer a perspectiva e metodoloxía dos deseñadores e creativos vencellados a algúns dos proxectos que foron seleccionados como casos de éxito no libro editado por Gain “O deseño como motor. Casos de éxito en Galicia”. Ademais, e dada a crecente importancia dos materiais, cores e acabados para o deseño, presentaranse algunhas experiencias no ámbito da nova disciplina de deseño denominada CMF Design (Color, Materials, Finish Design).

A xornada está dirixida a empresarios, emprendedores, responsables de márketing, deseñadores, estudantes de escolas de deseño e calquera outro profesional interesado no deseño e a súa influencia no éxito de mercado.

Tes o programa dispoñible neste enlace. As inscricións estarán abertas ata o 27 de novembro.

Inscríbete!

Novas

Ver todas

21 de Novembro de 2019

Conde defende o apoio da Xunta ao proxecto Smartiago porque blinda a calidade dos servizos públicos con tecnoloxías innovadoras e sustentables

O conselleiro de Economía, Emprego e Industria, Francisco Conde, apuntou hoxe na presentación do proxecto Smartiago que esta iniciativa, que desenvolve o Concello de Santiago co apoio da Xunta, blinda a calidade dos servizos públicos adoptando tecnoloxías innovadoras e afíns á protección do medio ambiente.

Ler máis

18 de Novembro de 2019

A Xunta salienta en Vilalba a importancia de espertar o interese da mocidade cara a ciencia e a innovación

A directora da Axencia Galega de Innovación (Gain), Patricia Argerey, participou esta mañá nun encontro con alumnado de 4º da ESO do instituto vilalbés Santiago Basanta Silva. Este encontro enmárcase na iniciativa Referentes Galegas nas Aulas, organizado pola Asociación de Executivas de Galicia en colaboración coa Deputación de Lugo, co obxectivo de visibilizar o traballo de mulleres profesionais galegas de diferentes sectores.

Ler máis

Eventos

Ver todos
02
Decembro
Capacitación para Investigadores "GRADschool en Transferencia e Emprendemento"

09
Decembro
Programa de Acreditación RTTP 2019 – 2021 para Xestores de Transferencia (1º curso)

 

Logo_RIS3

 

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

 

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.