Ciclo de xornadas: Os novos programas europeos de apoio á innovación

Queres coñecer as novas convocatorias de axudas europeas á innovación? Tes proxectos de I+D+i entre mans? Queres coñecer o novo programa Horizonte Europa e outros programas europeos?

Por que non te podes perder este ciclo?

A Axencia Galega de Innovación está a organizar un ciclo de oito xornadas, sobre os diferentes programas europeos de apoio á innovación, que terán lugar durante o os vindeiros meses.

Presentaremos os novos programas/instrumentos impulsados pola Comisión Europea para promover a Innovación para o período 2021-2027.
Descubriremos, da man de expertos na materia, as oportunidades que Europa nos ofrece para os próximos anos.
Traballaremos xuntos para acadar unha maior presencia nas convocatorias lanzadas recentemente pola Comisión Europea.

QUE XORNADAS TEMOS PREVISTAS?

Estas son as xornadas que temos planificadas para este ciclo. Toma nota!

Os partenariados europeos en Horizonte Europa.
Instrumento Invest EU.
Implicacións éticas e sociais da innovación en tecnoloxías emerxentes.
Pemes en Horizonte Europa: oportunidades de financiamento en cascada.
A participación dos cidadáns no deseño e monitorizacion de políticas de I+D+i.
Convocatorias do EIT Manufacturing.
Oportunidades de internacionalización das empresas a través da CPI.
O mecanismo Plug-in do EIC-Accelerator.

DÓNDE ATOPO MAIS INFORMACIÓN?

Durante os próximos días, recibirás máis información sobre os programas, as datas de celebración e como podes inscribirte.

Esperamos contar contigo!

Manifestacións de interese

No marco dos fondos Next Generation EU, incluímos a continuación convocatorias e manifestacións de interese que se atopan actualmente abertas.

Convocatorias de I+D+i

Novas

Ver todas

26 de Maio de 2021

Galicia, unha das comunidades españolas que en 2019 logrou superar os niveis de investimento en I+D previos á crise

A directora da Axencia Galega de Innovación (Gain), Patricia Argerey, asistiu esta mañá en Madrid á presentación do Anuario 2021 da Fundación Cotec, un evento que este ano se centrou no labor dos profesionais da innovación que durante os últimos meses puxeron o seu talento ao servicio da loita contra o coronavirus.

Ler máis

22 de Maio de 2021

A Xunta abre o prazo de presentación de solicitudes para a III edición do Premio Empregado Público Innovador co obxectivo de ofrecer unha Administración pública máis eficiente e moderna

O Goberno galego abre o prazo para a terceira edición dos Premios aos Empregados Públicos Innovadores, que buscan recoñecer a actitude innovadora do persoal ao servizo da Xunta de Galicia que fai posible unha Administración pública máis eficiente e moderna. Establécense agora dous meses para a recepción das solicitudes e poderá presentarse todo o persoal funcionario e laboral pertencente á Administración xeral da Comunidade autónoma, ás entidades públicas instrumentais do sector público autonómico e ás universidades públicas galegas.

Ler máis

20 de Maio de 2021

Feijóo destaca o Polo Aeroespacial como sector clave para a recuperación, cunha folla de ruta baseada no desenvolvemento industrial, a transferencia de coñecemento e a creación de emprego

O presidente do Goberno galego, Alberto Núñez Feijóo, destacou hoxe o Polo aeroespacial como un sector clave para a recuperación, cunha folla de ruta para o período 2021-2025 baseada no desenvolvemento industrial; no fomento das capacidades tecnolóxicas e innovadoras, a través da xeración e transferencia de coñecemento ao mercado; e na creación de emprego de calidade, podendo acadar ata os 3.000 postos de traballo.

Ler máis

Eventos

Ver todos

31
Maio

Programa de impulso á innovación nas pemes

O obxectivo deste evento é dar a coñecer as actuacións a desenvolver por Gain para fomentar a innovación das pemes e facilitar a cooperación dentro do ecosistema da I+D+i de Galicia.

Ler máis

01
Xuño

Obradoiro de Realidade Aumentada con Unity e Vuforia

A Realidade Aumentada está a gañar posicións dentro da industria como unha ferramenta fundamental para levar a cabo labores de formación e mantemento de equipos. Existen diferentes posibilidades de implantación, pero Vuforia posiciónase como o referente dentro das librerías de realidade aumentada e neste obradoiro aprenderemos a utilizala e a crear con ela as nosas propias aplicacións.

Ler máis

03
Xuño

Vixilancia e Intelixencia nun ámbito transformador: fabricación avanzada

O CIS Tecnoloxía e Deseño promove en 2021 un ciclo formativo, composto por 5 actividades, dirixidas especificamente a incrementar o coñecemento das empresas. A segunda actividade consistirá nun taller en liña sobre Vixilancia Tecnolóxica e Intelixencia Competitiva nun ámbito transformador clave en Galicia como é a fabricación avanzada.

Ler máis

04
Xuño

A Biotecnoloxía en Galicia, do impulso á consolidación

Presentarase a Estratexia de Consolidación da Biotecnoloxía de Galicia 2021-2025, folla de ruta que vertebrará as accións de consolidación do sector biotecnolóxico e contaremos coa participación de distintos axentes do ecosistema para que acheguen as súas experiencias de como consolidar a biotecnoloxía en Galicia.

Ler máis

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.