Axudas abertas de CDTI

Recollemos neste boletín as axudas que actualmente permanecen abertas do Centro para el Desarrollo Tecnológico Industrial (CDTI) no ámbito da I+D+i e do emprendemento, coincidindo coa celebración na nosa sede na xornada de presentación das liñas de axuda Neotec e Neotec Mulleres para o financiamento da posta en marcha de novos proxectos empresariais. Así mesmo, informamos da próxima celebración da Conferencia Horizonte Europa o vindeiro 6 de abril en Valencia organizada polo CDTI.

Investigación e desenvolvemento:

Proxectos Estratéxicos CIEN:
Grandes proxectos de I+D, desenvolvidos en colaboración entre agrupacións empresariais e orientados á realización dunha investigación planificada en áreas estratéxicas de futuro e con potencial proxección internacional.
Máis información

Proxectos de I+D:
Proxectos de I+D desenvolvidos por empresas e destinados á creación e mellora significativa de procesos produtivos, produtos ou servizos
Máis información

Proxectos I+D Transferencia CERVERA:
Proxectos individuais de I+D desenvolvidos por empresas que colaboren con Centros Tecnolóxicos nas tecnoloxías prioritarias Cervera
Máis información

Innovación:

Liña Directa de Innovación CDTI:
Proxectos de carácter aplicado, moi próximos ao mercado, con risco tecnolóxico medio/baixo e cortos períodos de recuperación do investimento, que consigan mellorar a competitividade da empresa mediante a incorporación de tecnoloxías emerxentes no sector.
Máis información

Liña Directa de Expansión (LIC A):
Potenciar a innovación en determinadas rexións españolas, mellorando as capacidades de empresas que propoñan plans de investimento que faciliten o seu crecemento.
Máis información

Programa Innvierte:
Promove a innovación empresarial mediante o apoio ao investimento a través de capital risco en empresas de base tecnolóxica ou innovadoras.
Máis información

Novas empresas:

Programa NEOTEC Mulleres Emprendedoras:
Posta en marcha de novos proxectos empresariais de empresas innovadoras liderados por mulleres, que requiran o uso de tecnoloxías ou coñecementos desenvolvidos a partir da actividade investigadora e nos que a estratexia de negocio teña como base o desenvolvemento de tecnoloxía.
Podes acceder á presentación da xornada de hoxe sobre Neotec nesta ligazón.
Máis información

Outras iniciativas:

Buzón repositorio de ideas para Compras Públicas Precomerciais:
Dirixido a Administracións Públicas españolas que puideran demandar solucións tecnolóxicas innovadoras para, deste xeito, constituír un repositorio de propostas para futuras Compras Públicas Precomerciais (CPPs) a través do CDTI.
Máis información

Conferencia Horizonte Europa en España: A conferencia celebrarase de xeito presencial no Palacio de Congresos de Valencia o vindeiro 6 de abril.
Máis información

Próximas convocatorias de CDTI

O CDTI publicará o Programa Neotec, no segundo trimestre deste ano. Ademáis de Neotec, publicaranse proximamente as convocatorias de Misións de Ciencia e Innovación e o Programa Tecnolóxico Aeronáutico (PTA).