O vindeiro 14 de decembro convidámoste á xornada presencial de presentación de InnovaRede, unha nova plataforma que aspira a ser o punto de encontro e interacción virtual do ecosistema galego de innovación. O acto terá lugar na Cidade da Cultura de Galicia en Santiago de Compostela.
O obxectivo da plataforma Innovarede é impulsar a colaboración entre os distintos axentes da demanda e da oferta tecnolóxica dunha forma áxil, directa e aberta, a través da conexión das capacidades dos centros tecnolóxicos, centros de investigación ou innovación, universidades e outros axentes de coñecemento, coas necesidades das empresas.
Mediante esta conexión buscamos acelerar o proceso de desenvolvemento tecnolóxico e reducir así a fenda existente entre a I+D e o mercado, especialmente nas pemes. Para coñecer de primeira man as vantaxes de colaborar, conversaremos con empresas.
Mapa de apoios 2024
Por último, presentaremos o mapa de apoios á I+D+i de 2024 con especial fincapé nas convocatorias que abrirán a comezos de ano, como Bonos de Innovación, DeseñaPeme e InnovaPeme e aquelas que promoven a cooperación, como Misións ou ConectaPeme.
Inscríbete e participa nesta xornada para atopar futuros colaboradores e coñecer os instrumentos de apoio da Xunta de Galicia á innovación.
Rúa Airas Nunes, S/N (Conxo) 15702 Santiago de Compostela
informa.gain@xunta.gal
Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.
