A Xunta de Galicia pon en valor o ecosistema galego de I+D e innovación en Transfiere 2024

A Xunta de Galicia pon en valor o ecosistema galego de I+D e innovación na décimo terceira edición de Transfiere, o foro europeo para a ciencia, a tecnoloxía e a innovación, que se celebrará os días 20, 21 e 22 de marzo no Palacio de Feiras e Congresos de Málaga (FYCMA). A Consellería de Economía, Industria e Innovación, a través da Axencia Galega de Innovación, contará cun stand institucional no que participa unha delegación composta por unha vintena de entidades de I+D e innovación galegas que presentarán as súas capacidades científicas e tecnolóxicas.

Que é Transfiere?

Transfiere 2024 é o maior evento europeo sobre transferencia no que compartir coñecemento científico e tecnolóxico, conectar o ecosistema de I+D+i español co ámbito global e vincular ciencia e empresa.

Quen estará presente na delegación galega?

Axencia Galega de Coñecemento en Saúde da Consellería de Sanidade
Universidades galegas
Fundación Instituto de Investigación Sanitaria de Santiago de Compostela (Idis)
Instituto de Investigación Biomédica da Coruña (Inibic)
Delegación do CSIC Galicia
Alianza Tecnolóxica Intersectorial de Galicia (Atiga)

Centro Tecnolóxico do Mar (Cetmar)

Fundación Empresa-Universidade Galega (Feuga)

Tecnópole

Clúster Tecnolóxico Empresarial das Ciencias da Vida de Galicia (Bioga)

Clúster Galego de Solucións Ambientais e Economía Circular (Viratec)

Unirisco.

Cal é o obxectivo?

Esta iniciativa da Axencia Galega de Innovación busca xerar oportunidades de colaboración para a investigación e a innovación que se está a facer en Galicia.

A Axencia Galega de Innovación intervirá o 21 de marzo nunha mesa redonda na que se debaterá sobre a territorialidade na innovación, xunto a representantes do Ministerio de Ciencia, Innovación e Universidades e das administracións autonómicas de Andalucía, Illas Baleares e a Comunidade Valenciana.

Programa Ignicia Transferencia de Coñecemento

A participación neste foro enmárcase no Programa Ignicia Transferencia de Coñecemento, que ten como obxectivo mellorar a transferencia dos resultados da investigación realizada nos centros de coñecemento galegos ao tecido produtivo, de maneira que se valorice o investimento en ciencia.

Novas

Ver todas

06 de Marzo de 2024

A Xunta destaca a aplicación do deseño á innovación de produto na empresa naronesa Detegasa

Ler máis

Eventos

Ver todos

14
Marzo

Convocatorias Horizonte Europa do Clúster 5: Enerxía

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal