Avaliación final da RIS3 2014-2020 e comezo da elaboración do Plan Galego de Investigación e Innovación 2025-2027

Como parte do proceso de avaliación final da RIS3 2014-2020 celebraremos os vindeiros días 16 e 17 de xullo en Santiago de Compostela varias mesas de traballo. O seu obxectivo é avaliar a implementación da política de I+D+i no anterior período, con especial foco nos instrumentos e apoios desenvolvidos. Os resultados deste proceso servirán como base para o deseño do futuro Plan Galego de Investigación e Innovación 2025-2027.

Inscríbete!

Mesas de traballo

Os vindeiros 16 e 17 de xullo celebraranse na Sala de Debates do Edificio CIEDUS, en Santiago de Compostela, 3 mesas de traballo -cada unha centrada nun dos retos da RIS3- que prestarán unha atención especial ás diferentes axudas e apoios desenvolvidos, coa finalidade de mellorar, de cara ao Plan Galego de Investigación e Innovación 2025-2027, o deseño e a implementación dos instrumentos de impulso á I+D+i.

Proceso participativo

A participación activa de todos os axentes do ecosistema na configuración, seguimento e avaliación dos seus instrumentos de axuda e demais apoios, así como na evolución do contexto galego da I+D+i, son elementos clave para a avaliación da RIS3. Para elo, puxéronse en marcha distintas canles de participación dentro deste proceso de avaliación final da Estratexia co obxectivo de chegar a conclusións compartidas co ecosistema para mellorar o enfoque, a eficiencia e a eficacia da política de I+D+i de Galicia.

O aforo das mesas é limitado, polo que, unha vez completo, non será posible inscribirse. Se ten algunha dúbida, pode enviar un correo electrónico a ris3.gain@xunta.gal.

O prazo para inscribirse nestas mesas remata o 15 de xullo. Podes facelo neste enlace!

Inscríbete!

Novas

Ver todas

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.