Camiño do ano internacional da cuántica

2025 acaba de ser declarado polas Nacións Unidas Ano Internacional da Ciencia e da Tecnoloxía Cuántica, coincidindo co centenario do nacemento da mecánica cuántica moderna, para recoñecer o seu potencial no impulso ao desenvolvemento sustentable e ás comunicacións globais. Galicia leva impulsando dende 2022 o Polo de Tecnoloxías Cuánticas de Galicia, que prevé un investimento de 154M€, co obxectivo de converter a nosa rexión nun referente europeo nestas tecnoloxías no 2030. Neste marco, estanse a desenvolver distintas iniciativas para promover o avance científico e dalas a coñecer entre a sociedade, impulsadas pola Rede Galega de Tecnoloxías Cuánticas.

International Quantum Business Conference

Os vindeiros 9 e 10 de outubro, Fujitsu, en colaboración co CESGA e a Xunta de Galicia, organiza en Santiago de Compostela o evento International Quantum Business Conference. O seu obxectivo é ser un foro de debate para perfís tanto técnicos como executivos, entre provedores, clientes, investigadores e outros axentes públicos e privados. Nel abordaranse tanto aspectos de I+D das diferentes tecnoloxías cuánticas, como a súa aplicación na industria en diferentes campos (descubrimento de fármacos, loxística, enerxía, finanzas etc.). Contará coa participación de actores relevantes que traballan no ecosistema cuántico internacional como The King’s College London, Fujitsu Quantum Lab e o Silicon Valley Forum, entre outros.

Web da International Quantum Business Conference

Próximo evento con investigadores en cuántica do ecosistema galego

No mes de novembro celebraremos un evento con persoal investigador e técnico do ámbito das tecnoloxías cuánticas para facilitar a súa interacción, colaboración e o intercambio de coñecemento. A finalidade é impulsar o establecemento de relacións sólidas e colaborativas entre os axentes participantes, con miras a promover proxectos conxuntos que redunden no avance e a innovación no campo das tecnoloxías cuánticas.
Datas a confirmar proximamente.

Qcrypt 2024
	A comezos de setembro celebrouse en Vigo a décimo cuarta edición da conferencia científica internacional anual Qcrypt, na que se presentaron os principais resultados en materia de criptografía cuántica. Organizada pola Universidade de Vigo e o Centro de Supercomputación de Galicia, reuniu a 330 asistentes de todo o mundo entre persoal científico e empresas.

Web da Qcrypt 2024

Toda a información sobre o Polo de Tecnoloxías Cuánticas de Galicia está centralizada na páxina "Galicia Quantum Technologies Hub". Accede a ela para coñecer máis!

Galicia Quantum Technologies Hub

Novas

Ver todas

17 de Setembro de 2024

Román Rodríguez anuncia a creación da primeira oficina de transferencia de coñecemento para o sector biotecnolóxico

Ler máis

16 de Setembro de 2024

A Xunta incorpora oito novos departamentos á Comisión de I+D+i ata chegar a un total de 32 e con representación en todas as consellerías

Ler máis

15 de Setembro de 2024

A Xunta presenta en Suecia as oportunidades que ofrece Galicia para investigadores estranxeiros

Ler máis

14 de Setembro de 2024

A Xunta pon en valor a excelencia e as capacidades en I+D+i de Galicia ante o alumnado internacional da USC

Ler máis

Eventos

Ver todos

24
Setembro

Info day programa do European Research Council e convocatoria Synergy Grant

26
Setembro

Da idea ao resultado. Casos de éxito do deseño galego.

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.