IV edición do programa Doutoramentos Industriais

A consellería de Educación, Ciencia, Universidades e Formación Profesional por medio da Axencia Galega de Innovación e a Secretaría Xeral de Universidades convocará o 1 de outubro de 2024 a cuarta edición das axudas para Doutoramentos Industriais. Este apoio permitirá a contratación de 15 estudantes de doutoramento en empresas e centros de innovación e tecnoloxía galegos para desenvolver a súa tese doutoral.

Máis información

Obxecto da axuda

Contratación de 15 estudantes de doutoramento en empresas e centros de innovación e tecnoloxía galegos para desenvolver a súa tese doutoral nunha contorna empresarial.

Tipos de proxectos que se apoian

Proxectos de investigación a desenvolver polas persoas doutorandas orientados á resolución das necesidades e problemas da empresa ou centro tecnolóxico, en colaboración cunha universidade do Sistema Universitario de Galicia (SUG) que se encargará da formación investigadora da persoa doutoranda.

A empresa ou o centro tecnolóxico solicitante, proporá o proxecto de investigación industrial e a persoa doutoranda candidata, así como o compromiso de colaboración da universidade.

Obxectivos

Promover a transferencia de coñecemento entre as universidades e o tecido empresarial.
Potenciar a captación de persoal investigador para que desenvolva un proxecto de investigación nas empresas galegas que lles permita obter un doutoramento industrial.
Posibilitar a incorporación de persoal doutor xoven á contorna empresarial.
Fortalecer a colaboración entre as empresas e centros de innovación e tecnoloxía e as universidades do SUG.

Destinatarios

	Empresas e centros de innovación e tecnoloxía con domicilio social ou centro de traballo en Galicia.
	Persoal investigador matriculado nun Programa oficial de Doutoramento dunha universidade do SUG ou con compromiso de matriculación.

Actividades subvencionables

A) Para as empresas ou centros de innovación e tecnoloxía:


Custos de contratación da persoa doutoranda: máximo de 24.000€ por ano	Gastos asociados á contratación e para o seguro: 1.000€ por ano	Estadías de tres meses de duración: máximo de 6.000€	Outros gastos relacionados co proxecto de doutoramento industrial: máximo de 5.000€ por ano

B) Para as universidades do SUG:


Gastos relacionados co desenvolvemento do proxecto no ámbito da universidade	Custo da matrícula

Orzamento

O orzamento total do programa é de 1,89M€

Prazo de presentación

O prazo de presentación estará aberto do 2 de outubro ao 4 de novembro de 2024.
A solicitude será presentada pola empresa ou o centro tecnolóxico de acordo cuha universidade do SUG.

Novas

Ver todas

24 de Setembro de 2024

A Xunta impulsa actividades formativas para a captación de investigadores excelentes a través do programa Oportunius

Ler máis

21 de Setembro de 2024

A Xunta traballa para afianzar as competencias matemática e científica dos estudantes con programas como o Plan Mega de mellora educativa

Ler máis

20 de Setembro de 2024

Galicia participa no XVII Cumio COTEC Europa sobre soberanía tecnolóxica nas Palmas presidido polo Rei Felipe VI

Ler máis

Eventos

Ver todos

01
Outubro

Webinar: A carreira investigadora en España

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.