O talento investigador galego achega seus resultados ao mercado

Unha delegación galega, encabezada pola Axencia Galega de Innovación, está a participar onte e hoxe na feira internacional Science for Industry-S4i en Madrid co obxectivo de conectar a investigación realizada en Galicia co mercado. Máis dunha vintena de entidades do ecosistema galego de I+D+i, entre universidades, centros tecnolóxicos, clústeres, fundacións, entidades de capital risco, aceleradoras e administración, exploran novas oportunidades de negocio para os seus proxectos. Esta iniciativa enmárcase no programa Ignicia-Transferencia de Coñecemento, que ten como obxectivo apoiar a chegada ao mercado dos resultados da investigación.

Actuacións de fomento da transferencia

Ademais da asistencia conxunta a feiras como Science for Industry ou Transfiere, o programa Ignicia inclúe outras actuacións encamiñadas a promover a valorización e a transferencia dos resultados da investigación xerada nos centros de coñecemento galego.

Entre outras, atópase a convocatoria Ignicia Proba de Concepto, para poñer en valor, apoiar e financiar o desenvolvemento de aplicacións comerciais das investigacións xeradas nos centros de coñecemento galegos en forma de spin-off ou acordos de licenza. Está previsto que se convoque unha nova edición desta convocatoria neste primeiro trimestre de 2025.

Metodoloxías para mellorar os procesos de transferencia

Outra das actuacións incluídas no programa é o desenvolvemento de metodoloxías de soporte á transferencia co obxectivo de mellorar a súa eficacia. Polo momento, téñense publicado tres manuais:

Metodoloxía para a avaliación preliminar dos resultados da I+D xerados polos axentes do Sistema Galego de Innovación

Metodoloxía de avaliación preliminar de resultados de I+D en materiais no Sistema Galego de Innovación

Metodoloxía para a avaliación do potencial comercial das tecnoloxías protexidas mediante patentes

Consulta estas metodoloxías na web da Axencia

Ademais da convocatoria de proba de concepto e os manuais de metodoloxías de soporte á transferencia, Ignicia inclúe accións de formación e capacitación do persoal de xestión da transferencia e de persoal investigador, a celebración de encontros de transferencia e a monitorización da situación e evolución da transferencia no Sistema Galego de I+D.

Novas

Ver todas

25 de Xaneiro de 2025

Román Rodríguez manifesta a aposta da Xunta por estender a innovación a todo o territorio galego

Ler máis

24 de Xaneiro de 2025

Román Rodríguez destaca o carácter transformador do sector biotecnolóxico na entrega dos XI Premios Bioga

Ler máis

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición.