Axudas para recursos humanos e consolidación de grupos de investigación

A Secretaría Xeral de Universidades e a Axencia Galega de Innovación teñen actualmente abertas as convocatorias de axudas de apoio ás etapas de formación predoutoral, posdoutoral e posdoutoral continuación, así como as axudas para a consolidación de grupos de investigación. Todas elas están dirixidas a universidades públicas, organismos públicos de investigación, fundacións públicas de investigación sanitaria e centros do CSIC radicados en Galicia. As axudas para grupos de investigación están dotadas con 29,1M€ para financiar o labor destas unidades no período 2025-2029. Pola súa banda, as axudas de recursos humanos, están dotadas con preto de 32M€ e prevén a contratación de 175 investigadores.

Axudas de apoio á etapa predoutoral

Obxecto:	Axudas para o financiamento de contratos predoutorais de cara á formación de persoal doutor.
Nº contratos previstos:	Máximo 102 axudas (90 para as universidades do SUG e 12 para as demais entidades)
Prazo:	Ata o 04.03.2025
Dotación:	12.301.200 euros

Axudas de apoio á etapa de formación posdoutoral

Obxecto:	Axudas para a contratación de persoal investigador doutor para o fomento da súa carreira científica mediante contratos dun máximo de 6 anos. Dúas fases diferenciadas: 1ª fase: os tres anos iniciais do programa. Permite a mellora das súas capacidades mediante estadías de investigación posdoutoral no estranxeiro. 2ª fase: os tres últimos anos. Posibilita a continuación da súa formación posdoutoral, co establecemento dunha liña de investigación propia que lles permitirá, nun futuro, consolidar a súa traxectoria.
Nº contratos previstos:	Máximo 49 axudas (40 para as universidades do SUG -das que 10 poderán obter a condición de bolseiras Fulbright- e 9 para as demais entidades -das que 2 poderán obter a condición de bolseiras Fulbright-).
Prazo:	Ata o 28.02.2025
Dotación:	15.961.200 euros

Axudas para completar a etapa de formación posdoutoral

Obxecto:	Axudas destinadas á continuación da formación científica de persoas investigadoras contratadas previamente a través do programa de axudas de apoio á etapa de formación posdoutoral.
Nº contratos previstos:	Máximo 24 axudas (20 para as universidades do SUG e 4 para as demais entidades).
Prazo:	Ata o 28.02.2025
Dotación:	3.688.800 euros

Consolidación e estruturación de unidades de investigación competitivas

Obxecto:	Axudas para consolidar, estruturar e especializar as unidades de investigación máis competitivas do Sistema galego de I+D+i .
Modalidades:	Grupos de referencia competitiva: axudas para a consolidación de grupos de investigación que pola súa produción científica e a súa actividade de I+D constitúan unha referencia no Sistema galego de I+D+i. Grupos con potencial de crecemento: axudas para a consolidación de grupos de investigación que pola súa produción científica e a súa actividade de I+D amosan potencial de crecemento ata converterse en grupos de referencia do sistema de I+D+i galego. Proxectos de excelencia: axudas para a realización de proxectos de investigación a persoal investigador que, contando cunha traxectoria excelente consolidada ou en formación, teñen que afianzar unha liña de traballo baseada en proxectos de alto impacto fundamentalmente nos ámbitos nacional e internacional.
Novidades:	Incremento dos importes das axudas dos módulos estruturais para os Grupos de referencia competitiva en 5.000€ ao ano (+10%) e para os Grupos de potencial crecemento en 1.500€ ao ano (+5%). Simplificación do procedemento administrativo: sistema máis sinxelo de avaliación para as solicitudes dos grupos de referencia competitiva das universidades públicas galegas que teñan demostrado unha traxectoria excelente ao longo do tempo. Así mesmo, elimínase a avaliación parcial prevista en convocatorias anteriores para estes grupos e para os de potencial de crecemento.
Prazo:	24.02.25

Beneficiarios

Os beneficiarios destas axudas son os seguintes:

as universidades públicas do SUG,
os organismos públicos de investigación de Galicia,
as fundacións públicas de investigación sanitaria de Galicia (Fundación Pública Galega Instituto de Investigación Sanitaria de Santiago de Compostela, Fundación Pública Galega de Investigación Biomédica INIBIC, Fundación Pública Galega de Investigación Biomédica Galicia Sur)
e os centros do CSIC (Consello Superior de Investigacións Científicas) radicados en Galicia

Consulta información sobre estas convocatorias na páxina da Axencia Galega de Innovación

Máis información

Novas

Ver todas

19 de Febreiro de 2025

Rueda destaca a aposta da Xunta por promover a transferencia de coñecemento e lembra a importancia do capital privado na investigación

Ler máis

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición.