Premios á Transferencia de Tecnoloxía en Galicia 2025

A Axencia Galega de Innovación e a Real Academia Galega de Ciencias (RAGC) veñen de convocar os Premios á Transferencia de Tecnoloxía en Galicia 2025. Estes galardóns, que chegan á súa undécima edición, queren recoñecer o traballo dos grupos de investigación e das empresas que apostan pola transferencia de coñecemento como base para o desenvolvemento socioeconómico de Galicia. O prazo de presentación de candidaturas está aberto ata o 30 de abril.

Categorías

Premio “Francisco Guitián Ojea”

Traballo de investigación aplicada, dotado con 5.000 €, para recoñecer a creación, a cargo dun grupo de investigación, dunha tecnoloxía aínda non transferida e da que se deriven claras aplicacións para o desenvolvemento socioeconómico de Galicia.

Premio “Fernando Calvet Prats”

Caso de éxito de transferencia de tecnoloxía desde un grupo de investigación a unha empresa, dotado con 5.000 €. Prémiase conxuntamente ao grupo de investigación creador da tecnoloxía transferida e á empresa destinataria. Será válido calquera mecanismo de transferencia desde o grupo á empresa (adquisición de patente, proxecto conxunto, spin-off, etc.). O premio económico será outorgado ao grupo de investigación creador da tecnoloxía transferida.

Beneficiarios

- Persoal investigador das universidades galegas e dos centros de investigación, centros tecnolóxicos, fundacións sanitarias e demais organismos de investigación radicados en Galicia.
- Para optar ao premio Fernando Calvets Prats, será imprescindible a participación de empresas galegas ou con centro de traballo en Galicia.

Consulta as bases dos premios e anímate a participar!

Bases dos premios

Novas

Ver todas

27 de Febreiro de 2025

A Xunta de Galicia apoia un proxecto baseado en intelixencia artificial para acelerar a curación de feridas crónicas do Centro Tecnolóxico Gradiant

Ler máis

Eventos

Ver todos

18
Marzo

Taller de preparación de propostas ERC 2025-2026

19
Marzo

Train the trainers: Programa de apoio á preparación de propostas ao ERC

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.