Ver a versión en liña

Aberta a primeira fase da convocatoria interrexional VInnovate

A Vanguard Initiative, a alianza estratéxica que agrupa a 35 rexións europeas co obxectivo de impulsar o crecemento europeo a través da colaboración interrexional en I+D+i e a especialización intelixente, ten aberto o prazo da primeira fase da convocatoria VInnovate. Os interesados teñen de prazo ata o 15 de setembro para presentar as súas expresións de interese á Vanguard Initiative, paso perceptivo para poder participar na segunda fase e optar ao financiamento galego. Os vindeiros 17 de xuño e 8 de xullo celebraranse dous novos webinars de xeneración de proxectos.

Apúntate aos webinars!
Que é VInnovate?
Trátase dun mecanismo de financiamento de proxectos interrexionais de innovación, posto en marcha en 2024 pola alianza co obxectivo de promover proxectos conxuntos en temáticas de interese compartido.
Galicia é unha das once rexións europeas que participa neste instrumento e financia a participación das entidades galegas en proxectos interrexionais de I+D+i.
Características dos proxectos
Os proxectos deben estar compostos por, como mínimo, dous socios (alomenos unha peme) procedentes de dúas rexións participantes pertencentes a dous países diferentes:
  • Galicia
  • País Vasco
  • Norte de Portugal
  • Baixa Saxonia (Alemaña)
  • Baixa Austria
  • Emilia-Romaña (Italia)
  • Lombardía (Italia)
  • Brabante Setentrional (Países Baixos)
  • Provincias de Güeldres e Overijssel (Países Baixos)
  • Gales (Reino Unido)
  • Rumanía Nororiental
Ademais dunha ou máis pemes, poden participar no consorcio grandes empresas, universidades, centros de investigación (incluídos centros tecnolóxicos) ou infraestruturas de investigación e tecnoloxía.
Os proxectos deben estar vencellados temáticamente a algún dos oito pilotos de VInnovate:
  • Bio-Economy
  • Efficient and Sustainable Manufacturing
  • High Performance Production trought 3D-Printing
  • Advanced Manufacturing for Related Applications in Harsh Environments
  • New Nano-Enabled Products Pilot
  • Artifical Intelligence
  • Smart Health/Personalised Medicine
  • Hydrogen
Apoiaranse actividades en TRL5, TRL6, TRL7 e/ou TRL8; é dicir, posteriores ao desenvolvemento de prototipos.
O custe total do proxecto ten que ser dun mínimo de 100.000€ e a súa duración dun máximo de 36 meses.
As entidades galegas interesadas en participar na convocatoria teñen de prazo ata o 15 de setembro para presentar as súas expresións de interese.
Como participa Galicia?
Galicia sufragará a participación das entidades galegas nestes proxectos a través dunha convocatoria propia que se publicará proximamente.
Para optar ao financiamento autonómico é requisito imprescindible ter presentado a expresión de interese a nivel europeo e que sexa aprobada polo secretariado de VInnovate.
Información de interese:
Accede á ferramenta de emparellamento e conecta con outros socios. Aquí podes atopar unha recompilación de ideas de proxectos e solicitudes de colaboración enviadas por entidades interesadas en participar.

Consulta máis información na páxina da convocatoria Vinnovate

Máis información

Eventos

Ver todos
16
Xuño
Novas convocatorias Horizonte Europa: CL6, CL5-Clima, CBE e PRIMA

25
Xuño
Curso presencial: Transferencia de tecnoloxía: valoración e negociación”

pe_Xoves

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal
Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.