Mapa de apoios da Xunta de Galicia á I+G+i 2026

Xa está á túa disposición o mapa de apoios conxunto da Xunta de Galicia á I+G+i para 2026. Este documento, que chega á súa cuarta edición, recolle todos os instrumentos da administración autonómica dirixidos a financiar a I+G+i. En concreto, inclúe 35 instrumentos de 7 consellerías cunha dotación total de 261 millóns de euros.

Consulta o mapa

Unha guía para o ecosistema galego de I+G+i

Este instrumento, elaborado no marco da Comisión Interdepartamental de I+D+i da Xunta de Galicia e aliñado coa Estratexia de Especialización Intelixente de Galicia 21-27 (RIS3) e o Plan Galego de Investigación e Innovación 25-27, pretende servir como unha guía para os axentes do ecosistema galego de I+G+i, incluíndo información de interese sobre as distintas ferramentas de apoio á I+G+i da administración autonómica que lles permita ter unha visión integral e planificar a súa actividade. Así, o mapa recolle tanto o organismo do que dependen, como a finalidade, o tipo de beneficiarios e a data prevista de publicación. Está concebido como un documento vivo, que se irá actualizando ante as posibles incorporacións de novas convocatorias ou cando se vaian coñecendo as datas concretas de publicación.

Podes descargar o Mapa neste enlace

Descarga o mapa

Consulta pública para o deseño e elaboración da Estratexia de Excelencia en Biotecnoloxía de Galicia 2026-2030

Co obxectivo de contribuír á elaboración da nova Estratexia de Excelencia en Biotecnoloxía de Galicia 2030, que están a elaborar a Xunta de Galicia e o clúster Bioga, ábrese un proceso de consulta aberta aos profesionais do sector (persoal investigador, equipos directivos e técnicos, empresas, centros de coñecemento,...) para recoller unha visión global das principais prioridades, retos e expectativas dos axentes biotecnolóxicos. Este nova folla de ruta do sector aspira a ampliar o alcance da recente finalizada Estratexia de consolidación da biotecnoloxía 2021-2025 e busca consolidar Galicia como unha biorrexión de referencia a nivel internacional.

* A enquisa é anónima. Os datos trataranse de forma estritamente confidencial e agregada, co único fin de apoiar a elaboración da estratexia.

Accede á enquisa neste enlace!

Participa!

Novas

Ver todas

21 de Xaneiro de 2026

A Xunta destina máis de 10 M€ a apoiar a tese doutoral de 76 investigadores en empresas e centros de I+G+i

Ler máis

20 de Xaneiro de 2026

Galicia sitúase entre as seis comunidades con maior número de spin-offs especializadas en tecnoloxías profundas

Ler máis

Eventos

Ver todos

28
Xaneiro

Science for Industry

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición.