Xornada informativa sobre os apoios á I+D+i de CDTI e GAIN

O vindeiro xoves 23 de abril celebraremos na Cidade da Cultura de Galicia, en Santiago de Compostela, a xornada informativa anual sobre as liñas de apoio á I+D+i do Centro para el Desarrollo Tecnológico y la Innovación (CDTI) e da Axencia Galega de Innovación da Xunta de Galicia.

Principais novidades das convocatorias

A Axencia Galega de Innovación e o Centro para el Desarrollo Tecnológico y la Innovación celebran a xornada anual de presentación das axudas e actuacións de apoio á I+D+i de ambas entidades para 2026.

A Axencia fará un repaso polas convocatorias que teñen o prazo de solicitude aberto e polas que se convocarán proximamente, mentres que o ente estatal fará un repaso xeral de todas as súa liñas de axuda e anticipará as principais novidades das de próxima publicación. Entre elas, destacan a convocatoria Neotec, de apoio á creación e consolidación de empresas de base tecnolóxica que ten aberto o prazo de solicitude ata o 14 de maio; a nova liña de infraestruturas tecnolóxicas, para o apoio a proxectos de investimento na construción e mellora de infraestruturas de ensaio e experimentación para prestar servizos de apoio á innovación, aberta todo o ano; e a convocatoria de Misións Ciencia e Innovación 2026, prevista para maio.

Ademais da presentación dos instrumentos de apoio de CDTI, contaremos coa experiencia dunha empresa beneficiaria da convocatoria de recuperación da excelencia Neotec, que se presentou á convocatoria Neotec de CDTI pero non obtivo financiamento e foi rescatada pola convocatoria da Axencia, o que evidencia a eficacia da colaboración entre ambas entidades.

Se queres consultar o programa e inscribirte, podes facelo na seguinte ligazón

Máis información

Novas

Ver todas

15 de Abril de 2026

Román Rodríguez destaca o talento de Galicia na investigación e a capacidade para contar a ciencia

Ler máis

15 de Abril de 2026

O Centro de investigación Mestrelab, referente en biotecnoloxía, consegue atraer 56 científicos

Ler máis

14 de Abril de 2026

A unidade mixta de Coren, Sertogal e a Uvigo incorporará tecnoloxías dixitais avanzadas ás granxas

Ler máis

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición.