Impulso á colaboración estratéxica entre Galicia e Portugal

O vindeiro 29 de maio celebraremos en Santiago de Compostela o evento de presentación do proxecto QUANTUM_IBER_IA, financiado polo programa Interreg POCTEP e liderado pola Axencia Galega de Innovación, que persegue impulsar as capacidades en tecnoloxías cuánticas e intelixencia artificial en España e Portugal. Pola súa banda, o 2 de xuño celebraremos en Vigo un obradoiro do Observatorio da I+D+I da Eurorrexión Galicia-Norte de Portugal, co obxectivo de definir e sentar as bases coas persoas participantes do Observatorio como ferramenta de seguimento da Estratexia de Especialización Intelixente Galicia-Norte de Portugal.

Transferencia das tecnoloxías cuánticas e a IA ao tecido produtivo

PRESENTACIÓN DO PROXECTO QUANTUM_IBER_IA
29 de maio de 2026, Sede da Axencia Galega de Innovación, 10:00h
Inscríbete na xornada de presentación do proxecto

QUANTUM_IBER_IA potenciará as capacidades de investigación e innovación en tecnoloxías cuánticas e IA no espazo transfronteirizo España-Portugal incentivando o uso compartido e coordinado de infraestruturas como supercomputadores, redes cuánticas ou plataformas de IA xa existentes nos territorios participantes.

Os proxecto QUANTUM_IBER_IA aspira a posicionar estes territorios como referentes na creación e aplicación destas tecnoloxías:

incentivando a integración destas tecnoloxías en empresas e organismos públicos (por exemplo, co desenvolvemento de demostradores tecnolóxicos) e outras actuacións de transferencia ao tecido produtivo;
e atraendo e retendo talento especializado.

Así mesmo, servirá para impulsar o desenvolvemento de modelos de linguaxe e outras ferramentas avanzadas de procesamento da linguaxe natural, adaptadas ao contexto lingüístico e cultural das rexións participantes, para reforzar a súa presenza no ecosistema dixital global.

Liderado por GAIN, coa participación do CESGA, as tres universidades públicas galegas e Feuga, así como outras entidades de Portugal, Castela e León, Extremadura e Andalucía, este proxecto conta cun orzamento de 8,86M€, dos que corresponden a Galicia 4,93M€, para executar ata finais de 2028.

Observatorio da I+D+I da Eurorrexión Galicia-Norte de Portugal

XORNADA SOBRE O OBSERVATORIO DA I+D+I DA EURORREXIÓN GALICIA-NORTE DE PORTUGAL
2 de xuño de 2026, Edificio Redeiras - Universidade de Vigo, 10:00h
Inscríbete na xornada sobre o Observatorio

Pola súa banda, o vindeiro 2 de xuño celebraremos un obradoiro do Observatorio da I+D+I da Eurorrexión Galicia-Norte de Portugal, unha ferramenta estratéxica de monitorización, intelixencia territorial e apoio á toma de decisións, organizado pola Fundación CEER, a Axencia Galega de Innovación e a CCDR-N.

Nel contaremos coa intervención de Dominique Foray, un dos creadores e maiores expertos do concepto de Estratexia de Especialización Intelixente. A súa intervención axudará a enmarcar os retos e oportunidades da cooperación transfronteiriza entre coñecemento científico, innovación, mundo empresarial e políticas públicas e servirá de punto de partida para debater o futuro do Observatorio da RIS3 Galicia-Norte de Portugal.

O Observatorio enmárcase no proxecto MAISRIS3T, finandiado polo programa POCTEP e enfocado ao reforzo da gobernanza, seguimento e dinamización da Estratexia de especialización intelixente transfronteiriza Galicia-Norte de Portugal.

Colaboración estratéxica Galicia - Portugal

Ambos proxectos, financiados polo programa Interreg España-Portugal (POCTEP) 2021-2027, están liderados e xestionados pola Axencia Galega de Innovación e contan cunha ampla participación de entidades tanto de Galicia como do Norte de Portugal. Esta colaboración enmárcanse na Estratexia de Especialización Intelixente Trasnfronteiriza Galicia-Norte de Portugal (RIS3T), que establece as áreas de colaboración e actuacións en materia de I+D+i de ambas rexións.

Novas

Ver todas

15 de Maio de 2026

A Xunta reforza con 130 M€ a aposta polas tecnoloxías cuánticas e a IA para impulsar a I+G+i

Ler máis

14 de Maio de 2026

Galicia e Portugal unen esforzos coa ampliación da liña de comunicación cuántica Santiago-Vigo para ser territorio clave para a ciberseguridade na UE

Ler máis

Eventos

Ver todos

27
Maio

Programa Ignicia - Curso de xestión avanzada dos IPR

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición.