Reforzamos o apoio á captación de talento investigador internacional co servizo de asesoramento a candidaturas MSCA Postdoctoral Fellowships 2026

Dende a Axencia Galega de Innovación e no marco do programa Oportunius, actívanse este ano 23 novos servizos de asesoramento e revisión de propostas, dirixidos a persoas investigadoras interesadas en presentar a súa candidatura ás MSCA Postdoctoral Fellowships 2026 cunha entidade galega. Tras a experiencia piloto impulsada en 2025, esta iniciativa afiánzase como un mecanismo de apoio á mellora da calidade e da competitividade das propostas galegas nesta convocatoria.

Datos que avalan a iniciativa

Os resultados da convocatoria MSCA Postdoctoral Fellowships 2025 confirman a tendencia positiva do ecosistema galego de investigación na captación de talento investigador de excelencia. En total, acadáronse 15 proxectos seleccionados entre 127 candidaturas presentadas polas tres universidades públicas galegas e os centros do CSIC en Galicia, o que supón unha taxa de éxito do 11,81%, superior á media estatal (9,41%) e á global da convocatoria (9,56%).

Ademais, 8 destes 15 proxectos —o 53%— estarán supervisados por persoal investigador ERC apoiado polo programa Oportunius, consolidando así o papel clave desta iniciativa na captación e no impulso de talento investigador en Galicia.

Apoio á carreira de excelencia

As MSCA Postdoctoral Fellowships representan unha etapa estratéxica no desenvolvemento da carreira investigadora, ao favorecer a consolidación dunha liña científica propia e proporcionar experiencia na preparación de propostas competitivas, facilitando así a progresión cara ás convocatorias ERC.

Podes conseguir máis información sobre estes servizos no correo oportunius.gain@xunta.gal ou no teléfono 981 95 70 00

Novas

Ver todas

02 de Xuño de 2026

Galicia e Norte de Portugal reforzan a Estratexia de Especialización Intelixente Transfronteiriza a través do proxecto MAISRIS3T

Ler máis

Eventos

Ver todos

25
Xuño

Obradoiro e mentoring sobre avaliación do potencial comercial de tecnoloxías protexidas mediante patente

19
Xuño

SAVE THE DATE: Partenariados Horizonte Europa 2026

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición.