Próximas xornadas da Axencia Galega de Innovación centradas en tecnoloxías avanzadas e industria

Nas vindeiras semanas, celebraremos diferentes encontros, formacións e presentacións centrados en ámbitos como a intelixencia artificial, as tecnoloxías cuánticas e a transformación dixital. Bótalle un ollo a todas as actividades que temos programadas e inscríbete!

Máis información

Presentación do Val europeo de innovación cuántica

	Data: 21 de outubro ás 10h
	Lugar: Centro Galego de Arte Contemporánea (CGAC) - Santiago de Compostela

Evento de lanzamento do proxecto europeo EQUIVALEMT, financiado por Horizonte Europa da Comisión Europea. Presentaremos o Val europeo de innovación en cuántica liderado pola Axencia Galega de Innovación, no que participan 19 entidades de 9 países europeos -entre elas o Cesga- e que conta cun orzamento de 14,3M€. O seu obxectivo é acelerar o desenvolvemento de aplicacións en computación, comunicación e sensórica cuántica a través da cooperación interrexional en Europa. Se a túa entidade está interesada en explorar as oportunidades e aplicacións das tecnoloxías cuánticas á investigación, a industria e a sociedade, anótate nesta xornada.

Quero asistir!

Curso de IA para a transferencia de coñecemento

	Data: 27 e 28 de outubro ás 9:15h
	Lugar: Sede de FEUGA - Santiago de Compostela

Tamén neste mes de outubro poñemos en marcha un curso presencial, no marco do programa Ignicia, sobre intelixencia artificial aplicada á transferencia de coñecemento. Acreditado pola Alliance of Technology Transfer Professionals con 15 puntos RTTP, esta formación ofrecerá claves para aproveitar o potencial da IA neste ámbito. O programa,dirixido a profesionais da valorización dos resultados da investigación, afondará en aspectos como a privacidade, a propiedade intelectual, a ética e a gobernanza, incluíndo exercicios prácticos.

Quero asistir!

Convocatorias de Horizonte Europa de Industria e Dixital

	Data: 6 de novembro ás 10h
	Lugar: Sede da Axencia Galega de Innovación - Santiago de Compostela

Nesta xornada presentaranse as convocatorias do Clúster 4 de Horizonte Europea nos eidos de Industria e Dixital, da man dos Puntos Nacionais de Contacto do Centro para el Desarrollo Tecnológico y la Innovación (CDTI). A presentación das convocatorias combinarase coa exposición do caso de éxito do proxecto BIOSAFIR. As persoas interesadas poden solicitar reunión bilateral cos expertos.

Quero asistir!

Novas

Ver todas

07 de Outubro de 2026

A Xunta apoia o novo equipamento científico do centro tecnolóxico Cetim para mellorar a competitividade industrial

Ler máis

02 de Outubro de 2026

A Xunta forma a persoal investigador en transferencia do coñecemento para maximizar o impacto da I+G+i

Ler máis

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a subscrición.