Reunións bilaterais no marco da
V Conferencia da Plataforma de Stakeholders do Atlántico

O obxectivo desta sesión é reunir a entidades e pemes da Área Atlántica co obxectivo de axudar aos xestores de empresas marítimas, provedores de servizos, institucións académicas e de investigación e outros axentes interesados a conectarse, innovar e crecer internacionalmente. Os participantes terán a posibilidade de compartir as súas ofertas ou solicitudes de asociación e programar reunións con anticipación para levar adiante os seus proxectos.

Os participantes tamén terán a oportunidade única de reunirse con representantes da Comisión Europea, o Banco Europeo de Investimentos, a Rede de Business Angels, ministerios e outras institucións para discutir a posibilidade de presentar ideas de proxectos específicos nas próximas convocatorias e coñecer de primeira man as oportunidades de financiamento. Pódeste inscribir nas reunións bilaterais ata o 15 de outubro e o 22 de outubro darase a coñecer a axenda final do evento.

A V Conferencia da Plataforma de Stakeholders do Atlántico destacará os logros do Plan de Acción Atlántico en termos de proxectos implementados e iniciativas levadas a cabo polos stakeholders e institucións, así como as oportunidades de financiamento existentes a nivel nacional, rexional e europeo. Farase especial fincapé no papel das pemes da Área Atlántica no seu papel de empregadores e innovadores cruciais no ámbito marítimo. Podes consultar máis información e o programa da conferencia na web da Estratexia Atlántica.

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.