Desde o pasado día 26 de setembro de 2019, CITIC Censa convértese, tras Nova Pescanova, Finsa e Coren, na cuarta gran empresa galega que, dentro da Edición Retos Industria 4.0 de Galicia Open Future, lanza dous novos retos tecnolóxicos dirixidos a emprendedores, startups, pemes e organismos de investigación de todo o mundo.
CITIC Censa, situada no Porriño, é unha empresa de caldeiraría pesada e recipientes a presión. O obxectivo destes dous retos é reducir os tempos de mecanizado das grandes pezas que fabrica para centros mineiros de todo o mundo.
As novas tecnoloxías poden axudar a CITIC Censa a mellorar o proceso de mecanizado de pezas metálicas semicilíndricas de gran tamaño, por unha banda, e de pezas planas por outro.
O prazo de presentación está aberto ata o 21 de outubro ás 18 horas e, unha vez recibidas as propostas, seleccionarase un gañador para cada reto, que poderá desenvolver un piloto da súa solución coa empresa, e ata tres finalistas. O gañador obterá unha axuda da Axencia Galega de Innovación (Gain) de 20.000 euros para a posta en marcha do proxecto piloto.
Ademais, tanto o gañador como os tres finalistas, en cada un dos retos, poderán acceder a un programa de aceleración e recibirán un patrocinio de 10.000 euros por parte de Gain. Transcorrido o tempo de aceleración, seleccionarase o mellor dos tres finalistas que recibirá unha axuda adiccional de 10.000 euros aportada pola Axencia para a Modernización Tecnolóxica de Galicia (Amtega). Ademais, tanto a empresa gañadora como as finalistas poderán acceder a préstamos participativos de Xesgalicia.
Podes consultar as bases completas da convocatoria aquí.
