PRÓXIMAS CONVOCATORIAS: FÁBRICA INTELIXENTE E SOSTIBLE E AXUDAS A PROXECTOS DE INVESTIGACIÓN RELACIONADOS COA COVID19 AVALIADOS POSITIVAMENTE POLO ISCIII

O Consello da Xunta de Galicia aprobou esta mañá a convocatoria de dúas novas liñas de axudas que se publicarán nos próximos días. Trátase dunha nova edición do programa Fábrica Intelixente e Sostible e dunha nova orde de axudas destinada a financiar aqueles proxectos de investigación relacionados coa Covid-19 que se presentaron á convocatoria do Instituto de Salud Carlos III. Ambas actuacións enmárcanse no Plan de reactivación económica posto en marcha pola Xunta de Galicia co obxectivo de contribuír á recuperación da economía galega.

FÁBRICA INTELIXENTE E SOSTIBLE

DOTACIÓN	15 millóns de euros
OBXECTO	Apoio a proxectos de I+D e innovación en materia de procesos ou organización de empresas.
BENEFICIARIOS	Empresas industrias grandes ou pemes, cun establecemento permanente en Galicia. Organismos de investigación cun centro de traballo permanente en Galicia, pero soamente se desenvolven un proxecto de I+D en colaboración cunha ou varias empresas.
DURACIÓN MÍNIMA DO PROXECTO	3 anualidades
MODALIDADES	Individuais ou en colaboración con outras empresas ou centros de coñecemento.
INTENSIDADE DA AXUDA	Entre o 15% e o 80%.
PRAZO	Un mes desde o día seguinte á publicación no DOG.

Entre as principais novidades desta edición atópase:

Aumento das contías dos proxectos que poderán acadar ata os 30M€, manténdose o mínimo en 2M€;
Fomento da colaboración efectiva tanto entre empresas grandes con pemes como entre empresas e organismos de investigación;
Inclúese como criterio de valoración o aliñamento co Pacto verde europeo.

PROXECTOS DE INVESTIGACIÓN SOBRE A COVID-19

IMPORTE	3 millóns de euros
OBXECTO	Financiamento de proxectos de investigación sobre a Covid-19 presentados á convocatoria de expresións de interese do ISCIII para o financiamento de proxectos de investigación sobre o SARS-CoV-2 e a enfermidade Covid-19.
BENEFICIARIOS	Organismos de investigación públicos ou privados que presentaron un proxecto á convocatoria de expresións de interese do Instituto de Salud Carlos III e que, a pesar de ser avaliados positivamente, non obtiveron asignación de fondos.
FINALIDADE	Mellorar o tratamento da enfermidade, o seu diagnóstico e manexo clínico Contribuir ao deseño, desenvolvemento e implantación de medidas de saúde pública para responder de xeito eficaz á pantemia.
INTENSIDADE DA AXUDA	Poderán realizarse pagamentos anticipados ata o 100% da axuda concedida.
PRAZO	Un mes dende a publicación do DOG.

Novas

Ver todas

30 de Xullo de 2020

GANADORES.GAL: O pastor máis intelixente para a gandería 4.0

Elio, Óscar e Daniel eran tres estudantes universitarios cando en 2018 se obsesionaron con poñer a tecnoloxía ao servizo das granxas para dar un respiro aos gandeiros e mellorar a produción. A piques de saír ao mercado, iTechTerm monitoriza os movementos das vacas para alertar de posibles incidencias. Hai xa clientes esperando en Indonesia e países Latinoamericanos.

Ler máis

23 de Xullo de 2020

A Xunta de Galicia asegura que o deseño sairá reforzado na era poscovid-19 como ferramenta de transformación e competitividade

A directora da Axencia Galega de Innovación (Gain) dependente da Consellería de Economía, Emprego e Industria, Patricia Argerey, interveu esta mañá na apertura institucional do segundo encontro virtual do ciclo A era poscovid: redeseñar o mundo. Neste contexto, Argerey afirmou que o deseño sairá reforzado desta situación xerada pola pandemia gañando relevancia, en tanto que ferramenta facilitadora da transformación da ciencia e da tecnoloxía en innovación e, polo tanto, da competitividade económica e do benestar social.

Ler máis

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.