Próxima publicación da convocatoria de rescate Neotec
O Consello da Xunta de hoxe aprobou a publicación da terceira edición do programa de apoio a plans de negocio de empresas tecnolóxicas de recente creación que prevén a comercialización de produtos innovadores. Os proxectos seleccionaranse entre aquelas iniciativas avaliadas positivamente polo programa Neotec e Neotec Mulleres 2022 de CDTI que non resultaran beneficiarias por insuficiencia de crédito. As axudas cobren todas as actuacións dos plans de negocio destas compañías entre os anos 2023 e 2025 e poderán financiar ata o 85% do orzamento da actuación, cun importe máximo de 325.000 euros de axuda por beneficiario. A convocatoria terá un orzamento de 3M€.
|