A Xunta fai balance do programa Oportunius

Ao abeiro do programa Oportunius da Xunta de Galicia, cuxo obxectivo é xerar oportunidades para persoal investigador de excelencia e reforzar tanto o acceso como os beneficios das axudas do Consello Europeo de Investigación (ERC), convocáronse esta mesma semana seis novas prazas de persoal investigador distinguido. Con esta convocatoria, Galicia acadará este ano un total de 31 investigadores Oportunius contratados, o que situará 2026 como o ano con maior número de contratos asinados.

O 2025 marcou un fito na captación de axudas do ERC en Galicia

En 2025, presentáronse 55 candidaturas de persoal investigador de entidades galegas ás convocatorias Starting, Advanced, Consolidator e Synergy Grant, das que 9 resultaron gañadoras e 4 finalistas, converténdose no mellor resultado desde a posta en marcha do programa no 2014. Así mesmo, o número de persoas gañadoras podería incrementarse cos 5 finalistas da convocatoria Advanced Grant 2025 que se resolverá no vindeiro mes de xuño.

No 2026 aumenta o investimento no programa a 6,2M€

O investimento da Xunta no programa ascenderá a 6,2 M€ en 2026. Desde o seu inicio, a achega pública suma xa 27,6 M€ cun retorno total estimado de 150 M€, o que multiplica por cinco o investimento realizado e evidencia o impacto desta iniciativa na atracción e retención de talento investigador e no fortalecemento da I+G+i.

Ademais da contratación directa do persoal investigador beneficiario dunha axuda do ERC, o programa Oportunius inclúe un modelo integral de apoio ao talento, que combina contratación, incentivos económicos, asesoramento ás candidaturas e unha estratexia activa de atracción e retención de persoal investigador.

Accede á referencia do Consello da Xunta de Galicia

Máis información

Novas

Ver todas

29 de Abril de 2026

Xunta e Bioga asinan un convenio de colaboración para reforzar o sector biotecnolóxico galego

Ler máis

28 de Abril de 2026

O centro de investigación de Borgwarner remata a súa construción cun investimento da Xunta de 5 M€

Ler máis

28 de Abril de 2026

O CiQUS incorpora a un investigador da universidade de Valladolid grazas ao programa Oportunius

Ler máis

28 de Abril de 2026

A Xunta busca posicionar Galicia como territorio de innovación biotecnolóxica internacional

Ler máis

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición.