| Partenariados de Horizonte Europa |
| Data e hora: |
Venres 19 de xuño ás 10h |
| Lugar: |
Sede da Axencia Galega de Innovación (Santiago de Compostela) |
No marco do Ciclo Europa, celebramos mañá en colaboración con CDTI, unha xornada informativa sobre as novas convocatorias e principais novidades dos Partenariados Horizonte Europa en 2026.
Os Partenariados Europeos son iniciativas de colaboración promovidas pola Comisión Europea dentro do programa de investigación e innovación Horizonte Europa. O seu obxectivo é reunir diferentes actores —administracións públicas, universidades, centros de investigación, empresas e organizacións da sociedade civil— para abordar retos estratéxicos que ningún actor podería resolver por si só. Nesta xornada trataranse ámbitos clave para a transición ecolóxica e dixital, incluíndo a agricultura sostible e baseada en datos, os sistemas alimentarios do futuro, a saúde e o benestar animal, a xestión da auga e dos bosques, a economía azul, as cidades sostibles, a transición cara a enerxías limpas e a xestión sostible das materias primas.
Contaremos coa participación dos Puntos Nacionais de Contacto de CDTI para os Partenariados HE, que, ademáis de presentar o programa, manterán reunións bilaterais coas entidades interesadas.
|
|
| Xornada de presentación da Consulta Preliminar de Mercado para o Colisionador de Partículas do CERN |
| Data e hora: |
Martes 23 de xuño ás 12h |
| Lugar: |
Sede do IGFAE. Campus Vida (Santiago de Compostela) |
Nesta xornada darase a coñecer a Consulta Preliminar de Mercado que acaba de lanzar CDTI para identificar entidades interesadas en participar na fabricación do prototipo para o futuro colisionador de partículas do CERN aberta ata o 9 de xullo. Esta consulta, que inicia o proceso de licitación a través de compra pública innovadora financiado con fondos Feder, representa unha oportunidade estratéxica para o ecosistema galego de I+D+i.
A consulta preliminar diríxese a empresas que conten con capacidades nalgún dos seguintes ámbitos: electromagnetismo, ultra alto baleiro, mecánica de precisión, metroloxía e aliñamento, robótica e automatización, instrumentación e control, simulación avanzada e intregración e validación.
Esta iniciativa é posible grazas á colaboración da Xunta, do CDTI e do Instituto Galego de Física de Altas Enerxías (IGFAE), un centro mixto do Goberno autonómico e da Universidade de Santiago de Compostela (USC) cunha longa experiencia e traxectoria de cooperación co CERN.
|
|
| Presentación da Estratexia de Biotecnoloxía en Galicia 2026-2030 |
| Data e hora: |
Venres 26 de xuño ás 12h |
| Lugar: |
Edificio CINC. Cidade da Cultura de Galicia (Santiago de Compostela) |
|
O obxectivo deste evento é presentar a Estratexia de Biotecnoloxía en Galicia 2026-2030, a folla de ruta que vertebrará as accións do sector biotecnolóxico no periodo 2026-2030. Para elo, contarase coa participación de distintos axentes do ecosistema para que acheguen as súas experiencias de impulso á excelencia competitiva do sector biotecnolóxico de Galicia e a súa proxección internacional.
|
|
| Grupo focal sobre I+D+i no sector saúde dixital dentro do proxecto BRITE_EU |
| Data e hora: |
Xoves 2 de xullo ás 10h |
| Lugar: |
Online |
Trátase dunha ferramenta para recoller impresións e achegas sobre as necesidades de formación, desenvolvemento profesional, colaboración e fortalecemento da I+D+i en saúde dixital en Galicia, no marco do proxecto europeo BRITE-EU, centrado na identificación de necesidades, retos e oportunidades do ecosistema galego de saúde dixital.
A participación está aberta a persoal investigador, profesionais de xestión e apoio á I+D+i, empresas, entidades sanitarias, administracións públicas e demais axentes vinculados ao sector.
O obxectivo é contar cunha representación o máis diversa posible do ecosistema galego para poder identificar retos compartidos, oportunidades de mellora e posibles accións futuras neste ámbito.
|
|
|
16 de Xuño de 2026
A Xunta captará máis dun centenar de científicos internacionais cos novos programas do plan de I+G+i
|
|
|
|
|
|
Enderezo
Rúa Airas Nunes, S/N (Conxo) 15702 Santiago de Compostela
informa.gain@xunta.gal
|
|
|
|
|
|
| Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a suscrición. |
|
|
|
| | | | | | | |
