O talento galego brilla nos Premios Nacionais de Investigación 2026 con cinco galardoados

A excelencia do persoal investigador galego estivo presente nos Premios Nacionais de Investigación 2026, os recoñecementos máis importantes de España neste eido concedidos polo Ministerio de Ciencia, Innovación e Universidades. Asistimos á cerimonia de entrega de galardóns, que se celebrou esta semana en Vitoria-Gasteiz presidida pola Súa Maxestade o Rei Felipe VI. Cinco científicos galegos foron recoñecidos pola súa traxectoria profesional e polas súas contribucións e logros nos seus respectivos ámbitos. Tres deles traballan en Galicia, Ángel Carracedo Álvarez, Carmen Álvarez Lorenzo e Laura Castro Santos, e dous fano fóra da nosa comunidade, José Antonio Sobrino Rodríguez, quen dirixe a Unidade de Cambio Global da Universitat de València, e Ana Novoa Pérez, vicedirectora da Estación Experimental de Zonas Áridas do CSIC en Almería.

Consulta aquí todos os premiados

Coñece os premiados galegos

Ángel Carradedo
		Profesor emérito da USC e director da Fundación Pública Galega de Medicina Xenómica
		Premio Nacional de Investigación “Gregorio Marañón” Área de Medicina e Ciencias da Saúde
		Pioneiro na implantación e estandarización das probas de ADN na identificación humana, a súa investigación céntrase no avance internacional da xenética forense e a medicina xenómica en Galicia
Carmen Álvarez Lorenzo
		Catedrática da USC e directora do Instituto de Materiais (iMATUS) da Universidade de Santiago de Compostela
		Premio Nacional de Investigación “Blas Cabrera” Área de Ciencias Físicas, dos Materiais e da Terra
		Pioneira no desenvolvemento de hidroxeles intelixentes e sistemas avanzados de liberación de fármacos, a súa investigación ten xerado avances significativos na medicina rexenerativa e tecnoloxías sanitarias
Laura Castro Santos
		Catedrática na Escola Politécnica de Enxeñaría da UDC e investigadora do Centro de Investigación en Tecnoloxías Navais e Industriais (CITENI) da Universidade da Coruña
		Premio Nacional de Investigación para Jóvenes “Ángeles Alvariño” Área de Ciencias e Tecnoloxías dos Recursos Naturais
		A primeira muller catedrática de Construcións Navais en Galicia e a segunda en España, a súa investigación céntrase na avaliación técnica, económica e ambiental das enerxías renovables mariñas: eólica, das ondas e solar
José Antonio Sobrino Rodríguez
		Catedrático de Física da Terra da Universitat de València (UV) e director da Unidade de Cambio Global (UCG) da UV
		Premio Nacional de Investigación “Alejandro Malaspina” Área de Ciencias e Tecnoloxías dos Recursos Naturais
		Foi Premio Rei Jaume I de Protección do Medio Ambiente en 2019. Actualmente, participa nas misións espaciais TRISHNA e LSTM, orientadas á observación térmica da superficie terrestre, con aplicacións en agricultura e xestión da auga.
Ana Novoa Pérez
		Vicedirectora da Estación Experimental de Zonas Áridas (EEZA-CSIC) en Almería
		Premio Nacional de Investigación para Jóvenes “Ángela Ruiz Robles” Área de Transferencia de Coñecemento
		É a primeira vez que este premio recae nunha muller. Novoa Pérez salienta pola súa investigación e xestión das especies invasoras contribuíndo a desenvolver enfoques máis preditivos e útiles para a toma de decisións

Novas

Ver todas

27 de Outubro de 2026

A Xunta felicita aos científicos galegos galardoados cos Premios Nacionais de Investigación

Ler máis

Eventos

Ver todos

06
Novembro

Infoday convocatorias CL4: Industria e Dixital

09
Novembro

Quantum_Iber_IA International Conference 2026

03
Decembro

I Congreso Nacional de Innovación Local

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.gal dende a conta na que desexe anular a subscrición.