Presentamos a Rede Galega de Tecnoloxías Cuánticas

Onte presentouse esta alianza que ten como obxectivo facilitar o desenvolvemento dun ecosistema de coñecemento e industrial ao redor das tecnoloxías cuánticas, coordinando as diferentes actuacións, sumando esforzos e aunando capacidades de todas as partes para avanzar no liderado nesta materia. Esta iniciativa enmárcase no Polo de Tecnoloxías Cuánticas de Galicia, no que se están a realizar investimentos por importe superior aos 30M€ e no que xa se crearon máis de 40 empregos directos de alta cualificación.

Membros da Rede

Esta rede, que xurde da necesidade de integrar aos principais axentes do noso ecosistema e que está aberta á incorporación de novas entidades, foi creada por:

A Xunta de Galicia a través das Consellerías de Economía, Industria e Innovación; Sanidade e Amtega.
O Centro de Supercomputación de Galicia (Cesga)
As tres universidades do SUG: Universidade de Santiago de Compostela, Universidade da Coruña e Universidade de Vigo
O Clúster TIC de Galicia
Os Hubs de Innovación Dixital DIHGIGAL e DATAlife
O Centro Tecnolóxico de Telecomunicacións de Galicia (Gradiant)
Fujitsu International Quantum Center
O Centro de Tecnoloxías Fotónicas (Aephos)

Galicia e as tecnoloxías cuánticas

Galicia parte dunha posición de liderado neste eido tecnolóxico. Actualmente están en marcha as seguintes iniciativas:

Computador cuántico do Cesga: a nosa comunidade é a primeira que despregará unha infraestrutura de cómputo cuántico de gran capacidade.
Quantum Communication Center da Universidade de Vigo, centrado no ámbito da comunicación cuántica.
Plan Complementario de Comunicación Cuántica, no que Galicia participa xunto con outras 5 comunidades autónomas.
O International Quantum Center de Fujitsu está a dar os seus primeiros pasos, cunha clara aposta por desenvolver as súas capacidades para Europa dende Galicia.
1ª edición do Máster interuniversitario de Cuántica, que se impartirá este ano nas universidades Galegas.

Queres saber máis sobre o Polo de Tecnoloxías Cuánticas de Galicia? Podes facelo neste vídeo!

Queres sumarte a esta Rede? podes escribirnos a informa.gain@xunta.gal

Escríbenos!

Novas

Ver todas

02 de Setembro de 2023

A Xunta organiza un evento para profesionais sobre hardware de realidade virtual e aumentada o vindeiro 19 de setembro no CIS Tecnoloxía e Deseño en Ferrol

Ler máis

Eventos

Ver todos

08
Setembro

Programa de capacitación para a transferencia en Humanidades e Ciencias Sociais (online)

13
Setembro

Bootcamp: Proceso de decisión para a adquisición de tecnoloxías complexas (PORTUGAL)

14
Setembro

Bootcamp: Proceso de decisión para a adquisición de tecnoloxías complexas (ESPAÑA)

15
Setembro

Misións da RIS3 Galicia 21-27: un novo modelo con potencial transformador

18
Setembro

Cursos on-line Horizonte Europa

19
Setembro

Evento presencial “Explorando os límites do Hardware RX

20
Setembro

Tecnoloxías Transformadoras para Innovar nos próximos anos

Enderezo

Rúa Airas Nunes, S/N (Conxo) 15702 Santiago de Compostela

informa.gain@xunta.gal

Se non desexa recibir este boletín pode vostede darse de baixa pinchando neste enlace ou enviando un mail a informa.gain@xunta.es dende a conta na que desexe anular a suscrición.